“Eqqumagitsi, ulloq nalunaaquttap-akunneraluunniit nalugassiuk.” – MATTHÆUSI 25:13.

“Mianersoritsi! Eqqumagitsi! Naluarsimi taamaaliffissaa qaqugu nalliukkumaartoq.” – MARKUSI 13:33.

Inuup kialuun­niit naggatis­sap qaqugor­piaq nal­liun­nis­saa ilisiman­ngilaa. ‘Ul­lorli taan­na nalunaaqut­tal­lu-akun­nera’ Guutip aalajangiutereersimavaa. (Mat­thæusi 24:36) Taava naggatis­sap nal­liutingajaler­nera paasisin­naas­san­ngilar­put? Naamik. Tamatuma nalaani qanoq pisoqarumaar­neranik Jiisusip ajoqersuk­kani oqalut­tuup­pai.

Pisus­sat ‘silarsuup naggatis­saanut’ ilisar­naataasut Jiisusip ima nas­suiar­pai: “Inuiaam­mi pikitsitsiumaar­put inuian­nut, naalagaaf­fil­lu naalagaaf­fim­mut, sumilu tamani kaan­nersuaqar­tarumaar­poq nunalu sajut­tarluni.” (Mat­thæusi 24:3, 7) Aam­ma oqar­poq ‘nap­paas­suaqar­tarumaar­toq toqoraataasunik’. (Lukasi 21:11) Jiisusip siulit­tuutigisai taak­ku nalitsin­ni eq­quus­soraagit?

Sorsun­nerit, kaan­nersuit, nunap sajut­tar­nera nap­paas­suil­lu pis­sutigalugit nalitsin­ni inup­pas­suit naal­liup­put. As­sersuutigalugu 2004-mi Indiap Imar­piani sajun­nersuaqar­nera pis­sutigalugu tas­saarsuaqarmat inuit 225.000-t mis­saat ajunaar­put. Ukiut pingasut ingerlaneranni nunarsuaq tamak­kerlugu inuit 6,9 millionit mis­saan­niit­tut nap­paas­suaq COVID-19 toq­qutigaat. Jiisusi naaper­torlugu pisut taamaat­tut silarsuup naggatis­saata nal­liutingajaler­neranut ilisar­naataap­put.

Naggatis­sap nal­liutingajaler­nera ‘ul­lus­sanik kingul­ler­nik’ Biibilimi taaneqar­tar­poq. (2 Petrusi 3:3, 4) Timotheusimut al­lak­kat aap­paat 3:1-5 naaper­torlugit inuit ul­lus­sani kingul­ler­ni ajorsigalut­tuin­nas­sap­put. (Takuuk ungalusaq “ Ul­luni kingul­ler­ni pis­sutsit”). Inuit nalitsin­ni nam­minis­sarsior­tuunerat, piumatuujunerat, peq­qar­niitsuunerat asan­niuitsuuneral­lu maluginiar­tar­piuk? Tamak­ku tamarmik ul­luni kingul­ler­ni inuunitsin­nut ersiutaap­put.

Ul­lut kingul­liit qanoq sivisutigisumik atuutis­sap­pat? Biibilimi al­las­simavoq sivisun­ngitsumik atuutis­sasut. Pif­fis­san­ngor­pat Guutip “nunarsuarmik aseruisut” tamaasa suujun­naarsis­savai. – Saq­qum­mersitat 11:15-18; 12:12.

Pis­sutsit ajor­tut qaqugor­piaq atuuk­kun­naar­nis­saat Guutip aalajangiutereersimavaa. (Mat­thæusi 24:36) Aam­ma inuit aniguisik­kusuk­kamigit ‘tamaasa al­lamik isumataar­nis­samut periarfis­sip­pai’. (2 Petrusi 3:9) Tas­sa nunarsuarmi paratiisiusumi inuunis­sar­put kis­saatigigamiuk piumasami suuneranik paasin­nin­nis­samut im­minul­lu naalan­nis­samut periarfis­sip­paatigut.

Nunarsuaq tamak­kerlugu inup­pas­suit paratiisimi Guutip naalagaaf­fianit naalak­kersor­neqar­tumi qanoq inuusin­naanermin­nik ilin­niar­tin­neqar­tar­put. Ilin­niar­titsinerup tamatuma naggatis­saq nal­liutsin­nagu “silarsuarmi tamarmi” ingerlan­neqar­nis­saa Jiisusip siulit­tuutigaa. (Mat­thæusi 24:14) Jehovap Nalunaajaasui tiimit milliardillit atorlugit Guutip neriorsuutai pil­lugit paasititsiniaal­lutil­lu ilin­niar­titsip­put.

Inuit naalak­kersuinerat atuuk­kun­naangajaler­poq. Naggatis­samili aniguisin­naavutit nunarsuarmilu paratiisiusumi Guutip neriorsuutigisaani inuul­lutit. Taman­na misigiumal­lugu iliuuserisin­naasatit al­laaserisap tul­liani sam­mineqar­put.