Ora suwé manèh, nèk Kerajaané Gusti Allah wis mréntah bumi, keadaan ing bumi bakal nyenengké lan wong-wong isa bahagia. Gusti Allah wis milih Yésus Kristus kanggo mréntah bumi. Wong-wong sing dadi pemimpin saiki akèh sing ora perduli karo rakyaté. Tapi, Yésus ora kaya ngono. Yésus bakal dadi Raja sing sayang karo rakyaté, perduli, adil, lan apikan.—Yésaya 11:4.

Ing donya anyar mengko wis ora ana manèh sing dibédakké merga suku utawa bangsané. Kabèh bakal rukun lan bersatu. (Wahyu 7:9, 10) Kabèh bakal sayang karo Gusti Allah lan wong liya. Terus, kabèh ya bakal kerjasama ngopèni bumi kaya sing dikarepké Gusti Allah.—Mazmur 115:16.

Wektu Kerajaané Gusti Allah mréntah bumi, ora bakal ana bencana alam manèh. (Mazmur 24:1, 2) Pas ing bumi, Yésus tau ngendhegké badai nganggo kuwasané Gusti Allah. (Markus 4:39, 41) Nèk Yésus wis mréntah bumi, awaké dhéwé ora perlu kuwatir ana bencana alam. Mengko ora bakal ana wong-wong sing ngrusak bumi manèh lan wong-wong bakal rukun karo kéwan.—Hoséa 2:18.

Kabèh wong bakal séhat. Ora ana sing lara, tuwa, utawa mati. (Yésaya 35:5, 6) Lingkungané mengko bakal resik kaya pas jamané Adam lan Hawa ing taman Èden. Mengko ing donya anyar ora bakal ana kurang pangan, merga lemahé subur kaya ing taman Èden mbiyèn. (Purwaning Dumadi 2:9) Kaya jamané bangsa Israèl mbiyèn, kabèh wong ing Firdaus bakal ”mangan roti nganti puas”.—Kaimaman 26:4, 5.

Wektu Kerajaané Gusti Allah mréntah bumi, keadaané bakal ayem merga kabèh padha rukun. Ora ana perang, ora ana pemimpin sing kejem, lan kabèh bakal kecukupan. Alkitab janji, ”Saben wong bakal lungguh ing ngisor wit anggur lan wit arané dhéwé. Ora ana sing bakal nggawé wedi.” —Mikha 4:3, 4.

Saben keluarga bakal nduwé omah dhéwé lan ora perlu wedi digusur. Kabèh kerja kerasé awaké dhéwé mesthi bakal diberkahi. Kaya sing dijelaské ing Alkitab, wong-wong sing urip ing donya anyar ”kerja kerasé mesthi bakal ana hasilé”.—Yésaya 65:21-23.

Alkitab janji, ”Pengetahuan soal Yéhuwah bakal ngebaki bumi.” (Yésaya 11:9) Wong-wong sing dadi rakyaté Kerajaané Gusti Allah bakal sinau langsung saka Sang Pencipta, Yéhuwah. Wong-wong ya isa sinau soal kabèh sing diciptakké Yéhuwah. Ora bakal ana sing nggunakké pengetahuané kanggo nggawé senjata utawa nggawé wong liya cilaka. (Yésaya 2:4) Tapi, kabèh bakal sinau piyé carané bèn isa rukun lan ngrawat bumi.—Mazmur 37:11.

Gusti Allah wis nyiapké bumi iki bèn manungsa isa urip bahagia. Gusti Allah péngin manungsa urip saklawasé ing bumi. (Mazmur 37:29; Yésaya 45:18) Makané, Gusti Allah ”bakal nyingkirké kematian saklawasé”. (Yésaya 25:8) Alkitab janji, ”Ora bakal ana manèh kesusahan, tangisan, lan rasa lara. Malah, kematian ya ora bakal ana manèh.” (Wahyu 21:4) Wong-wong sing wis mati mengko bakal diuripké manèh ing donya anyar. Wong-wong kuwi lan wong-wong sing slamet pas donya iki disingkirké isa éntuk kesempatan kanggo urip saklawasé.—Yohanes 5:28, 29; Kisah 24:15.

 Saiki, ana jutaan wong sak donya sing lagi berupaya bèn isa nyenengké Gusti Allah. Senajan ora sampurna, wong-wong kuwi terus berupaya bèn mengkoné isa urip ing donya anyar. Carané piyé? Sinau soal Gusti Allah Yéhuwah lan Yésus Kristus, sing diutus Gusti Allah. —Yohanes 17:3.

Njenengan ya isa ngerti luwih akèh manèh soal carané bèn isa dislametké wektu donya iki disingkirké lan urip bahagia ing donya sing sedhéla manèh bakal digawé dadi luwih apik. Nèk gelem, njenengan isa nampa pelajaran Alkitab gratis karo Seksi-Seksi Yéhuwah nganggo buku Bahagia Saklawasé.