Guutip qilam­mi naalagaaf­fim­mini Jiisusi Kristusi nunarsuarmut naalak­kersuisus­satut toq­qarsimavaa. Naalagaaf­fik taman­na qanit­tuk­kut nunarsuarmut naalak­kersuiler­pat inuit tamarmik pil­luarlutik eq­qis­seqatigiil­lutil­lu inuus­sap­put, aam­ma siuner­taqarluar­tumik suliaqas­sap­put. Ul­lumik­kut naalak­kersuisor­pas­suit in­nut­tamin­nik isumas­suineq ajor­put. Jiisusili asan­nil­luni naaper­tuil­luar­tuul­lunilu kun­ngitut naalak­kersuis­saaq. – Esaja 11:4.

Inuit paratiisimi inuusus­sat inuiaas­suseq avis­saar­tuus­sutiginagu ataasioqatigiil­lutik inooqatigiis­sap­put. (Saq­qum­mersitat 7:9, 10) Inuit tamarmik Guutimik inoqatimin­nil­lu asan­nit­tuus­sap­put, aam­ma eq­qis­seqatigiil­lutik suleqatigiil­lutil­lu nunarsuaq Guutip siuner­tarisaatut paaris­savaat. – Tus­siaat 115:16.

Guutip naalagaaf­fia naalak­kersuiler­pat Pin­ngor­titsisup pin­ngor­titarsuaq ajun­ngil­luin­nar­tumik aqulis­savaa. (Tus­siaat 24:1, 2) Guutip taamaalior­nis­samut pis­saaneqar­nera Jiisusip nunarsuarmiik­kal­larami anorersuarmik qatsor­titsinermigut takutip­paa. (Markusi 4:39, 41) Kristusi naalak­kersuiler­pat pin­ngor­titami ajunaar­nersuaqar­tarun­naas­saaq. Aam­ma inuit uumasul­lu eq­qis­seqatigiis­sap­put. – Hosea 2:20.

Inuit tamarmik peq­qil­luin­nar­tuus­sap­put. Nap­parsimasoqaranilu, utoq­qalisoqaranilu toqusoqar­tas­san­ngilaq. (Esaja 35:5, 6) Naatsiivim­mi Edenimi pis­sutsit alianaatsut as­sigalugit avatangiisit kusanangaarlutil­lu minguitsuus­sap­put. Nunarsuaq naggoris­suus­sam­mat inuit tamarmik naam­mat­torsuar­nik nerisas­saqarumaar­put. (1 Mosesi 2:9) Paratiisimi tamarmik ‘qaarsil­larlutik nerisas­sap­put’. – 3 Mosesi 26:4, 5.

Guutip aqutsinerani inuit asan­nit­tuliorfigeqatigiil­lutil­lu eq­qis­seqatigiis­sap­put. Sorsut­toqar­tas­san­ngilaq, naaper­tuil­luan­ngitsulior­toqar­tas­san­ngilaq amigaateqar­toqar­tas­sananilu. Biibilimi ima neriorsor­neqar­pugut: “Tamarmik eq­qis­sil­lutik inuus­sap­put viin­nequtaatimik figenequtaatimil­lu ataan­ni kimil­luun­niit peersin­neqar­natik.” – Mika 4:3, 4.

Ilaqutariit tamarmik angerlarsimaf­feqas­sap­put, angerlarsimaf­fim­mil­lu an­naanis­saa er­numas­sutigis­san­ngilaat. Aam­ma Biibilimi al­las­simasutut inuit “sulilus­sin­nas­san­ngil­lat”. – Esaja 65:21-23.

Biibilimi ima neriorsor­neqar­pugut: ‘Naalak­kamik ilisimasaqar­nerup nuna tamak­kerumaar­paa.’ (Esaja 11:9) Guutip naalagaaf­fiani in­nut­taasut Pin­ngor­titsiser­tik ilisimas­suseqangaar­toq, Jehova, pin­ngor­titaalu ilin­niarfigingaarsin­naas­savaat. Ilisimasatik sak­kus­salior­nermut al­lanil­lu ajoqusiinermut atus­san­ngilaat. (Esaja 2:4) Paarlat­tuanil­li eq­qis­seqatigiit­tuar­nis­sar­tik nunarsuarmil­lu paarsinis­sar­tik ilin­nias­savaat. – Tus­siaat 37:11.

Guutip nunarsuaq inun­nut nuan­naarutaasus­san­ngorlugu pin­ngor­tis­simavaa. Siuner­tarivaa inuit nunarsuarmi naas­saan­ngitsumik inuus­sasut. (Tus­siaat 37:29; Esaja 45:18) Siuner­tani piviusun­ngor­tik­kumal­lugu Guutip ‘toqu piujun­naarsivis­savaa’. (Esaja 25:8) Biibili naaper­torlugu ‘toqu peeruk­kumaar­poq, aliasut­toqarun­naarlunilu nil­liasoqarun­naarlunilu an­niar­toqarun­naas­saaq’. (Saq­qum­mersitat 21:4) Guutip inuit ajun­ngitsut maan­na inuusut inuil­lu siunis­sami paratiisimi toqusunit makititas­sani naas­saan­ngitsumik inuunis­saan­nik periarfis­sis­savai. – Johan­nesi 5:28, 29; Apustilit Suliaat 24:15.

 Inuit mil­lionil­lit paratiisimi inuunis­samin­nut piareersalereer­put. Kuk­kusaraluarlutik Guutip iluarisaatut pis­suseqaler­nis­sar­tik ilungersuutigaat. Qanoq? Jehovap Guutip aal­lar­titaatalu, Jiisusip Kristusip, ilisarisimaler­nerisigut. – Johan­nesi 17:3.

Paratiisimi qanoq inuulersin­naanerit pil­lugu paasisaqar­nerugit. Jehovap Nalunaajaasuisa ilaannit ilin­niartin­neqarlutit atuagaq Naassaan­ngitsumik pilluarsin­naavutit! atorlugu Biibilimik pikkorissarit.