Анҹаг чохлары әмин дејил ки, арзуладығы ҝәләҹәјә говушаҹаг. Чүнки дүнјада ҝөзләнилмәдән, гәфилдән елә һадисәләр баш верир ки, бүтүн ҹәмијјәти силкәләјир, игтисадијјаты чөкдүрүр, инсанларын һәјатыны тәһлүкәјә атыр. Мәсәлән, COVID-19 пандемијасы буна әјани нүмунәдир. Бу кими сәбәбләрдән инсанлар ҝәләҹәјә үмидсиз бахырлар.

Һәјатдакы гејри-мүәјјәнлик уҹбатындан инсанлар өзләрини ора-бура вуруб ҝөзәл ҝәләҹәк гурмаг үчүн јоллар ахтарырлар. Бәзиләри бәхт вә ја тале кими ҝөзәҝөрүнмәз гүввәләрә инаныр. Бир чохлары али тәһсил алмаға, вар-дөвләт газанмаға ҹан атыр. Дүшүнүрләр ки, истәдикләринә наил олмағын ән зәманәтли јолу будур. Башгаларынын фикринҹә исә, хошбәхт олмаг үчүн јахшы инсан олмаг кифајәт едир.

Бу үсуллардан һансыса бири сизә арзуладығыныз ҝәләҹәји верә биләр? Буну билмәк үчүн ҝәлин әввәлҹә ашағыдакы суаллара ҹаваб тапаг:

• Ҝәләҹәјинизи нә мүәјјән едир?

• Тәһсил вә пул һәјатынызын хошбәхт олаҹағына зәманәт верә биләр?

• Јахшы инсан олмаг ҝөзәл ҝәләҹәјә зәманәтдир?

• Хошбәхт ҝәләҹәјә апаран јолу неҹә тапмаг олар?

Ҹаваблары «Ҝөзәтчи гүлләси»нин бу сајындан охуја биләрсиниз.