Alai godang do halak na so pos rohana na boi dapot ni nasida masa depan na bahagia songon na di roha ni nasida. Alana, diida nasida do akka na toppu masa jala terjadi akka na so diharappon nasida. Contohna, toppu do masa pandemi COVID-19 na mambahen gabe susa perekonomian, jala godang akka halak na mate. I do alana didok roha ni nasida, dang lao boi dapot ni nasida masa depan na denggan.

Ala songon i situasina, marsitutu do akka halak lao mangalului akka petunjuk na boi mambahen denggan masa depan ni nasida. Adong do piga-piga halak na porsea tu nasib manang tu ramalan. Godang do muse halak na gabe mangalului pendidikan na timbo dohot hamoraon. Alana dirippu nasida, i do na boi menjamin denggan masa depan ni nasida songon na dihalomohon roha ni nasida. Na asing muse marpikkir, ikkon gabe halak na burju do nasida asa boi denggan ngolu ni nasida.

Adong do sian akka pilihan on na boi mangurupi hamu lao manottuhon masa depan na diharappon hamu? Lao mamboto i, porlu do pikkirhononmuna sukkun-sukkun on:

• Aha do na manottuhon masa depanmuna?

• Boi do pendidikan na menjamin asa denggan ngolumuna?

• Cukkup do holan gabe halak na burju mambahen bahagia masa depanmuna?

• Didia do boi dapotmuna petunjuk na boi menjamin bahagia masa depanmuna?

Majalah Joujou Paboahon on boi do mangurupi hamu lao mandapot alusna.