Sran kwlakwla kunndɛ kɛ i liɛ yo ye
?Yɛ ɔ li? ?A kunndɛman kɛ ɔ liɛ yo ye wie? E si kɛ kɛ sran kaka sa’n, a kunndɛ kɛ a nin ɔ osufuɛ mun amun liɛ yo ye. Yɛle kɛ amun di aklunjɔɛ, amun yo juejue titi, amun tran fɛfɛ yɛ amun ɲan sika.
Sanngɛ sran kpanngban be lafiman su kɛ be liɛ yó ye. Afin sa fanunfanun be kwla ka lɛ tɔ e su. I wie yɛle tukpacɛ nga be flɛ i kɛ koronavirisi’n i liɛ’n. Tukpacɛ sɔ’n ti’n sran kaka be di yalɛ yɛ wie’m be wu bɔbɔ. I kwlaa ngalɛ ti’n, sran’m be lafiman su kɛ lika’n yó kpa e ɲrun lɔ.
Kɛ mɔ sa’m be fu e nun’n ti’n, sran kpanngban be kunndɛ like ng’ɔ kwla uka be naan be liɛ w’a yo ye’n. Wie’m be waan aolia nun ninnge wie’m be kwla uka be. Wie mun ekun be bu i kɛ sɛ be di suklu dan annzɛ be ɲan sika kaka’n bé ɲán like kwlaa nga be kunndɛ’n. Wie mun ekun be liɛ’n, be bu i kɛ sɛ be yo sran kpa’n bé dí aklunjɔɛ.
?Sanngɛ ninnge sɔ’m be kwla uka e naan e liɛ w’a yo ye sakpa? Kɛ ɔ ko yo naan y’a wun i wlɛ’n, maan e tɛ kosan nga’m be su:
?Sran kun annzɛ like wie yɛ ɔ siesie e ɲrun lɔ sa mun-ɔn?
?Suklu dan dilɛ’n annzɛ sika kaka ɲanlɛ’n kwla yo maan e liɛ yo ye?
?Sɛ e ti sran kpa’n e liɛ yó ye?
?Ngue yɛ ɔ kwla uka e naan e liɛ w’a yo ye sakpa-ɔ?
Sasafuɛ Tranwlɛ nga nun’n, é wá tɛ́ kosan sɔ’m be su.
Ninnge wie mɔ be kwla yo ɔ fɛ ekun'n
NINNGE CINNJIN NGA BIBLU’N KLE BE’N
?Ngue yɛ be flɛ i Ɲanmiɛn Sielɛ’n niɔn?
I nun mɔ Zezi kán Ɲanmiɛn ndɛ’n, ɔ kannin Ɲanmiɛn Sielɛ’n i ndɛ trali like kwlaa. I afuɛ ya kpanngban yɛ, sran’m be srɛ maan Sielɛ’n i blɛ’n ju.
KOSAN MƆ BIBLU’N TƐ BE SU’N
?Ngue yɛ e kwla fa e wla gua su-ɔ?
Like kpa kun kwla uka e dɔ nga su yɛ ɔ kwla yo maan é láfi su kɛ e ɲrun lɔ’n yó kpa.
NINNGE CINNJIN NGA BIBLU’N KLE BE’N
?Ngue yɛ ɔ kle kɛ Biblu’n nun ndɛ’n ti nanwlɛ-ɔ?
Sɛ Biblu’n fin Ɲanmiɛn sakpa’n, ɔ fata kɛ ɔ yo i liɛ ngunmin.
KOSAN MƆ BIBLU’N TƐ BE SU’N
?E kwla fa e klunklo ajalɛ? ?Annzɛ Ɲanmiɛn yɛ ɔ siesie sa kwlakwla-ɔ?
Sran kaka be bu i kɛ Ɲanmiɛn yɛ ɔ siesie sa kwlaa ng’ɔ ju be su’n niɔn. ?Ajalɛ nga e fa be’n be kwla ɲan ta e su?
E SU NDƐ
Se e naan e wa nian ɔ osu
A nin Zoova i Lalofuɛ mun amun koko Biblu’n nun ndɛ kun su yalɛ, annzɛ kunndɛ kɛ á sí be su ndɛ kpa.
