Kerina Jelma Merhat Ndatken Masa Depan si Terjamin
Masa depan si uga nge si arapkenndu? Bali bagi enterem kalak, pasti merhat kam gelah kam ras keluargandu nggeluh ermeriah ukur, tenang, ras la kurang kai pe.
Tapi enterem kalak sangsi ia, banci ntah lang datna masa depan bagi si arapkenna. Engkai? Perban melala terjadi kejadin si la isangka-sangka, bagi pandemi COVID-19. Mesera kel akap kalak cari makan perban pandemi e. Pergeluh kalak pe jadi susah janah enterem ka si mate. Akibatna, lanai kap kalak e banci reh ulina masa depanna.
Perban si e, enterem kalak usahakenna kel ndarami carana gelah masa depanna banci terjamin. Lit si tek man ramalen ntah pe suraten padan. Enterem ka si erpengakap maka pendidiken ras sen pasti erban masa depan kalak e reh ulina. Si debanna ka erpengakap jadi kalak si mehuli saja pe enggo bias.
Payo kin si e kerina banci erban masa depanndu reh ulina? Guna meteh jawapenna cuba ukuri penungkunen-penungkunen enda:
Kai kin situhuna si nentuken masa depanndu?
Tuhu kin pendidiken ras sen erban masa depanndu terjamin?
Tuhu kin jadi kalak si mehuli erban masa depanndu terjamin?
Kai kin si erban masa depanndu tuhu-tuhu terjamin?
Majalah enda banci nampati kam ndatken jawapen man penungkunen-penungkunen e.
Mungkin Menarik Ka Kapndu
AJAREN PENTING ARAH PUSTAKA
Kai kin Kinirajan Dibata e?
Sedekah pelayanen Jesus, rusur icakapkenna kerna Kinirajan Dibata. Ratusen tahun dekahna, itotoken juak-juakna gelah reh min Kinirajan e.
AJAREN PENTING ARAH PUSTAKA
Engkai maka kita tek isi Pustaka si Badia e benar?
Adi Pustaka i bas Dibata nari, Pustaka arusna la seri ras buku-buku si deban.
KERNA KAMI
Dahi Kenalah Aku
Banci datndu jawapen penungkunenndu arah Pustaka si Badia, janah banci ka pelajarindu terbuen kerna Saksi-Saksi Jahwe.
