Coob leej ntau tus pom tias ntshe lawv yuav caum tsis cuag lub neej uas lawv ntshaw ntawd li, vim lawv tau pom tej xwm txheej phem xws li tus kab mob COVID-19 uas ua rau neeg tuag coob heev, ua rau lub ntiajteb ntxhov quav niab thiab lag luam los poob tag. Twb yog vim li no tibneeg thiaj tag kev cia siab rau lub neej yav tom ntej.

Tibneeg thiaj nrhiav rawv seb puas muaj lwm txoj hau kev rau lawv taug. Ib txhia mus saib hmoov seb lub neej yav tom ntej yuav zoo li cas, hos ib txhia mus kawm txawj kawm ntse mus caum nyiaj txiag vim lawv xav tias tej no yuav ua rau lawv nyob tso siab plhuav. Hos lwm cov xav tias ua neeg zoo thiaj tau ntuj ntoo.

Tej yam no puas yuav pab peb caum cuag lub neej uas peb ntshaw? Yuav kom peb paub cia peb xav txog cov lus no:

• Dabtsi thiaj yuav qhia peb txog lub neej yav tom ntej?

• Kev kawm ntawv thiab nyiaj txiag puas yuav ua rau peb nyob tso siab plhuav?

• Yog peb ua neeg zoo peb puas yuav tau qhov zoo?

• Dabtsi thiaj yuav ua rau peb nyob tso siab plhuav?

Phau Tsom Faj no yuav qhia txog tej yam no.