Posi ya, ovandu ovengi ve keyakeya kutja mave yenene okukara noruyaveze ndu ve vanga. Oviṋa tjimuna o-COVID-19, vya ṱuna komuano ovandu mu ve hupa, vya tjita kutja ku kare nousyona, nu nandarire vya zepa ovandu ovengi. Ku nao, owo ve kara nongendo noruyaveze rwawo kutja kamaaru rire oruwa nu ndu nondjeverero.

Nokuhinokutjiwa ovandu ve zera okupaha otjiṋa tji matji ve hongorere koruyaveze oruwa. Ovandu tjiva ve muna kutja oviṋa mbi ha munika tjimuna ouṋingandu u hongorera po ehupo rawo. Ovengi ve ramangera omahongero wokombanda noutumbe, mokumuna kutja oviṋa mbi mavi kwizikire oviṋa mbi ve vanga. Varwe ve muna kutja okurira omundu omuwa otjiṋa tji mo hepa okutjita kutja u kare nehupo ewa.

Hapo omikambo mbi mavi tjiti kutja u kare noruyaveze ndu zera? Okumuna eziriro, ove mo hepa okutara komapuriro nga:

• Otjikwaye tji tji hongorera po oruyaveze rwoye?

• Omahongero wokombanda novimariva mavi kwizike kutja u kare nehupo ewa?

• Okurira omundu omuwa, maku kwizike kutja u kare noruyaveze oruwa nu rwondjeverero?

• Omirari omiṱakame mbi mavi ku hongorere po koruyaveze oruwa rwondjeverero mo vi vaza pi?

Okambo kOruhungu nga make ku vatere okumuna omaziriro.