មនុស្សទាំងអស់ចង់បានអនាគតដ៏ល្អប្រសើរ
តើអ្នកចង់បានអនាគតបែបណា? ដូចមនុស្សភាគច្រើន អ្នកច្បាស់ជាចង់បានអនាគតដ៏ល្អប្រសើរដែលប្រកបទៅដោយសុភមង្គល សុខភាពល្អ សន្តិភាព និងភាពចម្រុងចម្រើនសម្រាប់អ្នកនិងក្រុមគ្រួសាររបស់អ្នក។
ប៉ុន្តែមនុស្សភាគច្រើនសង្ស័យថា ពួកគេមិនអាចមានអនាគតដ៏ល្អប្រសើរដូចដែលពួកគេចង់បាននោះទេ។ ពួកគេបានឃើញព្រឹត្តិការណ៍ដែលកើតឡើងភ្លាមៗដែលមិនបានរំពឹងទុក ដូចជារោគរាតត្បាតកូវីដ-១៩ជាដើម។ ជំងឺនេះនាំឲ្យមានភាពច្របូកច្របល់នៅក្នុងសង្គម វិបត្តិសេដ្ឋកិច្ច និងបានគំរាមកំហែងដល់អាយុជីវិតរបស់ពួកគេ។ ជាលទ្ធផល ពួកគេពិបាកជឿណាស់ថាពួកគេនឹងអាចមានអនាគតល្អប្រសើរ។
ដោយសារតែមានភាពច្របូកច្របល់ទាំងនេះ មនុស្សជាច្រើនខំប្រឹងស្វែងរកអ្វីដែលអាចជួយពួកគេឲ្យមានអនាគតល្អ។ មនុស្សខ្លះជឿទៅលើអ្វីដែលពួកគេមើលមិនឃើញ ដូចជាព្រហ្មលិខិត ឬព្រេងវាសនា។ មនុស្សជាច្រើនខំប្រឹងយ៉ាងខ្លាំងដើម្បីទទួលបានការអប់រំខ្ពស់និងទ្រព្យសម្បត្តិច្រើន ដោយគិតថាអ្វីទាំងនេះនឹងធានាថាពួកគេនឹងមានអ្វីដែលពួកគេចង់បាន។ រីឯមនុស្សខ្លះទៀតគិតថា ការធ្វើជាមនុស្សល្អគឺគ្រប់គ្រាន់ហើយដើម្បីមានជីវិតល្អ។
តើអ្វីទាំងនេះនឹងនាំឲ្យអ្នកទទួលបានអនាគតដែលអ្នកចង់បានឬទេ? ដើម្បីដឹងចម្លើយ អ្នកត្រូវតែពិចារណាសំណួរទាំងនេះ៖
តើអនាគតរបស់អ្នកពិតជាផ្អែកទៅលើអ្វី?
តើការអប់រំនិងលុយអាចធានាថាអ្នកនឹងមានជីវិតល្អប្រសើរជាងទេ?
តើការធ្វើជាមនុស្សល្អប៉ុណ្ណោះអាចធានាថាអ្នកនឹងមានអនាគតល្អទេ?
តើអ្នកអាចរកការណែនាំដែលគួរឲ្យទុកចិត្តដើម្បីមានអនាគតល្អនៅឯណា?
ទស្សនាវដ្ដីប៉មយាមលេខនេះ អាចជួយអ្នកឲ្យរកឃើញចម្លើយចំពោះសំណួរទាំងនេះ។
លោកអ្នកក៏ប្រហែលជាចូលចិត្តដែរ
ប្រធានបទឯទៀត
សេចក្ដីសង្ឃឹមដ៏ពិតប្រាកដកំពុងរង់ចាំអ្នក
ហេតុអ្វីសេចក្ដីសន្យាទាំងប៉ុន្មានដែលមានក្នុងគម្ពីរខុសពីសេចក្ដីសន្យាផ្សេងៗនិងការព្យាករណ៍របស់មនុស្ស?
សេចក្ដីបង្រៀនសំខាន់ៗក្នុងគម្ពីរ
តើរាជាណាចក្ររបស់ព្រះជាអ្វី?
ក្នុងអំឡុងកិច្ចបម្រើផ្សាយរបស់លោកយេស៊ូនៅផែនដី លោកបានបង្រៀនអំពីរាជាណាចក្រព្រះច្រើនជាងប្រធានបទផ្សេងទៀត។ អស់រាប់រយឆ្នាំមកហើយ អ្នកកាន់តាមលោកអធិដ្ឋានឲ្យរាជាណាចក្រនោះបានមកដល់។
សេចក្ដីបង្រៀនសំខាន់ៗក្នុងគម្ពីរ
ហេតុអ្វីយើងអាចប្រាកដថាគម្ពីរបរិសុទ្ធគឺមកពីព្រះ?
បើគម្ពីរគឺមកពីព្រះមែន នោះគួរមានភ័ស្ដុតាងដែលបង្ហាញថាគម្ពីរខុសពីសៀវភៅឯទៀតទាំងអស់។
