O Kukondama Kuhádya—Kwene Kwamesena o Athu Oso
Ukexilu webhi uwamesena kukala nawu kuhádya? Kala o athu oso, sé phata, eye wamesena kukala ni kukondama kuhádya, phala eye ni mwiji wé woso—o kusanguluka, o sawidi yambote, paze, ni ima phala kudikila o ibhindamu yé.
Athu avulu ala ni phata, kejiya ni kidi kyoso, se andakala ni ukexilu wamesena kuhádya. Ene amona kwila, o ima ilunguluka ni lusolo, ki ibhiti kala kexile mukingila, kala o dibhebhu dya COVID-19—dyalungulula o myenyu ya athu, dyabhekela wadyama, katé mwene dya jibha athu avulu. Mukonda dya kiki, atandanganya kwila ene kandakala dingi ni kukondama kuhádya.
Ni ukexilu yú wa kuxinganeka, o athu atangadanganya phala kusanga kima kya abhekela o kukondama. Akamukwa abanza kwila o kudyelela kujimbote kwene kwanda kwa abhekela o kukondama kuhádya. Avulu asota kudilonga kyavulu ni kusota jimbote mukuxinganeka kwila, o ima yiyi yandakwabhekela o ima yamesena. Akamukwa axinganeka kwila o kukala muthu wambote kyene o kima kyoso kyabhingi phala kukala ni mwenyu wabeta dingi kota.
O kwila mu ima yoso yiyi sayi kima kikwambata kumbote iwamesena kuhádya? Phala kusanga o kukondama kuhádya eye wabhingi kudilonga o ibhwidisu yala kulwiji:
Ihi itena kulondesa kyebhi kyandakala o mwenyu wé kuhádya?
O kwila o kudilonga kyavulu ni kukala ni jimbote kutena kukubhana o mwenyu wabetakota?
O kwila o kukala muthu wambote kukubhekela o kukonda kuhádya?
Kwebhi ku utena kusanga o kima kyabetakota kyandakubhekela o kukondama kuhádya?
O Mulangidi yú wandakukwatekesa kusanga o itambwijilu ya ibhwisidisu yiyi.
Eye Nange Wandawabhela we o Maka Yá
ESSENTIAL BIBLE TEACHINGS
O Utuminu wa Nzambi Ihi?
Mu kithangana kya ukunji wê mu ixi, Jezú wa zwela dingi ya lungu ni Utuminu mak’engi ndenge. Mu mivu yavulu, athu ene mu samba mu kubhinga kwila utuminu yu wize.
ESSENTIAL BIBLE TEACHINGS
Kyebhi ki tu Tena Kwijiya Kwila, o Bibidya Divulu Dya Kidi?
Se o Bibidya ya tokala kwa Nzambi, yene ki yeji difangana ni divulu dyosodyoso.
IBHWIDISU YA BIBIDYA YO TAMBWIJILE
Ihi i Zuela o Bibidia ia Lungu ni Muthu ku Sola o Ima Iê-muene? O kuila Nzambi Muéne ua mu Langa o Ima?
Athu avulu a xikina kuila Nzambi ua xindi kiá o mienhu iâ. O kuila o ima i tu bhanga iene ilondekesa kiebhi ki tua-nda kala ku hádia?
IA LUNGU N’ETU
Bhinga Phala Kukukunda
Kuzwela yalungu ni kibhwidisu kya Bibidya mba kudilonga yalungu ni Jimbangi ja Jihova.
