Ле гәләк мәрьв дӧдьли дьбьн, ԝәки ахьрийа баш һивийа ԝан ә. Чьрʹа? Чьмки әԝана дьвиньн кӧ ча һәр тьшт ньшкева дькарә бе гӧһастьне. Мәсәлә, пандәмийа COVID-19 һʹале мәрьва нав тʹәмамийа дьнйайе ӧса хьраб кьр, кӧ гәләк мәрьв нькарьн әʹбура хԝә бькьн, у гәләка әʹмьре хԝә ӧнда кьрьн. Ләма жи гәләк мәрьв бьн тьрседа дьжин у гӧмана хԝә ӧнда кьрьнә кӧ ахьрийа ԝан ԝе бе тьрс у хоф бә.

Жь бо ве тʹәвльһәвбуне, мәрьв пәй ԝан тьшта дькʹәвьн, чь кӧ бь ньһерʹандьна ԝан ԝе жийинәкә баш ԝанрʹа бинә. Һьнәк баԝәр дькьн, ԝәки ԛәԝатед кӧ найенә дитьне жийина ԝан контрол дькьн, мәсәлә, бәхт йан фәләк. Һьнәк жи пәй хԝәндьна бьльнд у һәбуке дькʹәвьн, чьмки дьфькьрьн ԝәки әв тьшт ԝе хԝәстьнед ԝан биньн сери. Йед дьн жи дьфькьрьн ԝәки һәгәр әԝана мәрьвнә һʹәйф бьн, әв йәк ԝе һʹалхԝәши ԝанрʹа бинә.

Ле гәло бь сайа ԝан тьшта һун бь рʹасти дькарьн бьгьһижьнә жийина баш? Сәва кӧ ве йәке пебьһʹәсьн, лазьм ә һун щабед ԝан пьрса бьстиньн:

• Бь рʹасти ахьрийа ԝә чьва гьредайи йә?

• Хԝәндьна бьльнд у һәбук дькарьн бәхтәԝарийе ԝәрʹа биньн?

• Һәгәр һун мәрьвнә һʹәйф бьн, әв йәк ԝе ԝәрʹа ахьрийа бехоф у бәхтәԝар бинә?

• Һун дькарьн итʹбарийа хԝә кʹижан рʹебәри у ширәта биньн, ԝәки ахьрийа ԝә бехоф бә?

Әв журнала «Бьрща Ԛәрәԝьлийе» ԝе али ԝә бькә щаба ван пьрса бьстиньн.