တၢ်အိၣ်မူလၢ တၢ်ဘၣ်ယိၣ်တအိၣ်ဘၣ် လၢပှၤကိးဂၤဒဲး လီကီဝဲ
ခါဆူညါန့ၣ် နလီကီတၢ်အိၣ်မူဒ်လဲၣ်. ဒ်ပှၤဂၤအသိးန့ၣ် နလီကီလၢ နၤဒီးနဟံၣ်ဖိဃီဖိ ကအိၣ်ဒီး တၢ်အိၣ်မူအမုာ်အခုၣ် လၢခါဆူညါ လၢအပှဲၤဒီး တၢ်သူၣ်ဖှံသးညီ, တၢ်အိၣ်ဆူၣ်အိၣ်ချ့လၢအဂ့ၤ, တၢ်သူၣ်မံသးမုာ် ဒီးအိၣ်ဘၣ်ဘီၣ်ဘီၣ်ညီညီ.
ပှၤအါတက့ၢ်န့ၣ် ဆိကမိၣ်ဝဲလၢ အဝဲသ့ၣ် အိၣ်မူဘၣ်ဒ်သိးဒီး တၢ်အိၣ်မူလၢအလီကီဝဲန့ၣ် တန့ၢ်ဘၣ်. အဒိ ခိၤရိၤနၤတၢ်ဆါ (COVID-19) ရၤလီၤအသး သတူၢ်ကလာ်အဃိ ဆီတလဲဝဲ ပှၤအါဂၤအတၢ်အိၣ်မူ, ဒုးအိၣ်ထီၣ်ဝဲ တၢ်ဖှီၣ်တၢ်ယာ် ဒီးပှၤသံဝဲအါအါဂီၢ်ဂီၢ်. ခီဖျိလၢ တၢ်အိၣ်သးတဖၣ်အံၤအဃိ ပှၤအါဂၤန့ၣ် ဘၣ်ယိၣ်တၢ်လၢ အတၢ်အိၣ်မူ လၢခါဆူညါအဂီၢ်.
ခါဆူညါ တၢ်ကမၤအသးဒ်လဲၣ်န့ၣ် ပှၤဟီၣ်ခိၣ်ဖိ တသ့ၣ်ညါဝဲဘၣ်အဃိ အဝဲသ့ၣ် ဂုာ်ကျဲးစၢးဃုဝဲ တၢ်တမံၤမံၤလၢ ကမၤစၢၤအဝဲသ့ၣ် ဒ်သိးအဝဲသ့ၣ် ကအိၣ်မူဘၣ် တၢ်အိၣ်မူလၢအဂ့ၤထီၣ်. ပှၤတနီၤနီၤန့ၣ် ဆိကမိၣ်ဝဲလၢ အတၢ်အိၣ်မူန့ၣ် ဒိးသန့ၤထီၣ်အသးလၢ တၢ်ဟဲဝံလီၤ. အဃိ ပှၤအါဂၤန့ၣ် ဃုဝဲ တၢ်ကူၣ်ဘၣ်ကူၣ်သ့ ဒီးတၢ်ထူးတၢ်တီၤ. ဒီးအဝဲသ့ၣ် ဆိကမိၣ်ဝဲလၢ တၢ်သ့ၣ်တဖၣ်အံၤ ကဟ့ၣ်အဝဲသ့ၣ် တၢ်လၢအဝဲသ့ၣ်လီကီဝဲ. မ့မ့ၢ် ပှၤအဂၤတနီၤန့ၣ် ဆိကမိၣ်ဝဲလၢ အဝဲသ့ၣ် မ့ၢ်မၤတၢ်ဂ့ၤန့ၣ် အဝဲသ့ၣ် ကအိၣ်မူဘၣ် တၢ်အိၣ်မူလၢအဂ့ၤ.
ဒ်သိး နကဒိးန့ၢ်ဘၣ် တၢ်အိၣ်မူခါဆူညါ လၢနလီကီအီၤအဂီၢ် နဆိကမိၣ် တၢ်သ့ၣ်တဖၣ်အံၤ မၤစၢၤနၤ ကသ့တခါခါဧါ. ဒ်သိးနကသ့ၣ်ညါ တၢ်စံးဆၢအဂီၢ် ဆိကမိၣ်ကွၢ် တၢ်သံကွၢ် လၢလာ်တဖၣ်အံၤ–
နတၢ်အိၣ်မူ လၢခါဆူညါအဂီၢ်န့ၣ် ဒိးသန့ၤထီၣ်အသးလၢ တၢ်မနုၤလဲၣ်.
တၢ်ကူၣ်ဘၣ်ကူၣ်သ့ ဒီးကျိၣ်စ့န့ၣ် ဟ့ၣ်နၤ တၢ်အိၣ်မူလၢအဂ့ၤ ကသ့ဧါ.
နမ့ၢ်မၤတၢ်ဂ့ၤန့ၣ် မ့ၢ်နကအိၣ်မူဘၣ် တၢ်အိၣ်မူလၢအဂ့ၤဧါ.
ဒ်သိးနကအိၣ်မူဘၣ် တၢ်အိၣ်မူလၢအဂ့ၤအဂီၢ် တၢ်ဟံးစုနဲၣ်ကျဲလၢ နနာ်န့ၢ်အီၤသ့န့ၣ် နဃုထံၣ်န့ၢ်အီၤ ကသ့ဖဲလဲၣ်.
တၢးထီခိးတၢ် တဘ့ၣ်အံၤ ကပာ်ဖျါထီၣ်န့ၢ်ပှၤ တၢ်သံကွၢ်တဖၣ်အံၤ အတၢ်စံးဆၢ.
တၢ်ဂ့ၤအဂၤလၢ နကဘၣ်သး
လံာ်စီဆှံ အတၢ်သိၣ်လိလၢ အရ့ဒိၣ်တဖၣ်
ယွၤအဘီအမုၢ်န့ၣ် မ့ၢ်မနုၤလဲၣ်
ဖဲယ့ၣ်ၡူး ဟးစံၣ်တဲၤတဲလီၤတၢ်အခါ အဝဲသိၣ်လိဝဲ ယွၤအဘီအမုၢ်အဂ့ၢ် အါန့ၢ်ဒံး တၢ်ဂ့ၢ်အဂၤလီၤ. ယ့ၣ်ၡူး အပျဲၢ်အဘီၣ်တဖၣ် ဃ့ဘါထုကဖၣ်လၢ ယွၤအဘီအမုၢ်ကဟဲန့ၣ် အိၣ်အနံၣ်လၢအကထိတဖၣ်လံ
လံာ်စီဆှံ အတၢ်သိၣ်လိလၢ အရ့ဒိၣ်တဖၣ်
လံာ်စီဆှံန့ၣ် အမ့ၢ်အတီဧါ
ကစၢ်ယွၤ မ့ၢ်ဒုးအိၣ်ထီၣ်ဝဲ လံာ်စီဆှံ သၢပျၢၤန့ၣ် လံာ်အံၤ ကလီၤဆီန့ၢ်ဒံး လံာ်အဂၤတဖၣ်လီၤ.
ဘၣ်ဃးဒီးပှၤ
တီၣ်ထီၣ်တၢ်ဂ့ၢ် လၢပှၤကလဲၤအိၣ်သကိးနၤအဂီၢ်
တဲသကိး လံာ်စီဆှံ မ့တမ့ၢ် ဃုသ့ၣ်ညါအါထီၣ် ယဟိဝၤပှၤအုၣ်အသးအဂ့ၢ်.
