Kasi bato mingi bandimaka te ete bomoi na bango ekozala ndenge balingi, mpo bamoni makambo oyo ebimi na mbalakaka, na ndakisa, maladi mabe lokola Coronavirus oyo ebebisi bomoi ya bato ebele, ekómisi bato babola, mpe ebomi ebele ya bato. Yango wana, bamonaka ete bomoi na bango na mikolo ezali koya ekozala malamu te ndenge bakanisaka.

Lokola makambo ezali kobongwana mpambampamba, bato bazali koluka na mposa makasi toli ya malamu oyo ekoki kosalisa bango bázala na bomoi ya malamu na mikolo ezali koya. Bato mosusu bandimelaka nguya moko boye oyo emonanaka te, na ndakisa, mateya oyo elobaka ete makambo nyonso etángamá to makila malamu. Bato mosusu mpe bazali kotánga bakelasi ya milaimilai mpe koboma nzoto na konduka bomɛngo, mpo bazali kokanisa ete yango ekoki kosalisa bango bázwa oyo balingi. Basusu mpe bakanisaka ete kozala moto malamu ekoki mpo na kozala na bomoi ya malamu na mikolo ezali koya.

Nini ekoki kosalisa yo ozala na bomoi ya malamu na mikolo ezali koya? Mpo na koyeba yango, talelá mituna oyo elandi:

• Nini ekoki kosalisa yo oyeba ndenge bomoi na yo ekozala na mikolo ezali koya?

• Bakelasi ya milaimilai mpe mbongo ekoki kopesa yo bomoi ya malamu na mikolo ezali koya?

• Kozala moto malamu ekosalisa yo ozala na bomoi ya malamu na mikolo ezali koya?

• Epai wapi okoki kozwa toli mpo ozala na bomoi ya malamu na mikolo ezali koya?

Linɔ́ngi ya Mosɛnzɛli oyo ekoki kosalisa yo ozwa biyano na mituna yango.