Antu Ejima Akeñaña Kwikala naChihandilu Chachiwahi
Mwakeñaña kwikala nachihandilu chamuchidinyi? Chakadi nikujina, ninenu mwakeñaña kwikala nachihandilu chachiwahi nichisaka chenu neyi chochekala antu ejima, kushakama chakadi kukata, kwikala mukuwunda nikushakama haya nyaaka.
Hela chochu, antu amavulu ajinookaña neyi chakwila akekala nachihandilu chafwilañawu. Kunenzi chipupu chaCOVID-19 nawa chinaluwañeshi chihandilu chawantu, chinaleti wuzweñi nawa chinajahi antu amavulu. Chinafumimu, antu anatachiki kudakamena nawu akekala nachihandilu chachiwahi wanyi.
Muloña wachumichi, antu anakukeña chuma chinateli kuyikwasha kulonda akekali nachihandilu chachiwahi. Amakwawu atoñojoka nawu dichuma chayifuukwililiyi Nzambi nindi chikayimwekena muchihandilu chawu. Antu amavulu akeñaña kutaña nikwikala namaheta, atoñojokaña nawu yumiyi yinateli kuyikwasha kwikala nayuma yakeñañawu. Antu amakwawu atoñojokaña nawu kwikala chachiwahi nawantu dichuma chiyatela kwilawu hakwila akekali nachihandilu chachiwahi.
Komana yuma yejimiyi yinateli kuyiletesha kwikala nachihandilu chimwakeñaña? Hakwila mwiluki ñakwilu, talenu awa malwihu:
Chumanyi chashimunaña mbidi yenu?
Komana kutaña shikola nikwikala namali kunateli kuyikwasha kwikala nachihandilu chachiwahi?
Komana kwikala chachiwahi nawantu kunateli kukiña mbidi yenu?
Kudihi kumunateli kuwana yuma yinateli kuyikwasha kwikala nambidi yakiñewa?
Akanu Kaposhi Kakutalila kanateli kuyikwasha kuwana ñakwilu.
You May Also Like
ESSENTIAL BIBLE TEACHINGS
Wanta waNzambi hiChumanyi?
Mukushimwina kwindi, Yesu wahosheli nankashi haWanta waNzambi kubadika nsañu yikwawu. Hadi yaaka yayivulu akwakumulonda analombi nawu iwu Wanta winzi.
ESSENTIAL BIBLE TEACHINGS
Yumanyi Yatukwashaña Kwiluka Netu Bayibolu hiMukanda Walala?
Neyi Bayibolu ayisonekeli kudi Nzambi, yatela kwambukaku chikupu nanyikada yikwawu.
CHITWEKALA
Lombenu Neyi Munakukeña Kudiza Bayibolu Chawaana
Lombenu neyi munakukeña kudiza bayibolu chawaana mwidimi denu, hampinji niiluña dimunakeñi.
