Vunoni vavengi ve ku takania, nga muono u va lema tangua va ka u yoya mpundu ni kuahi. Visoti via ku tungumuna kaha via vikalu, ngeci mua COVID-19—vie ku tanganesa membo, ku tepulula via-ku-lia na ku haka miono yavo mu vusonde. Kaha omo liaco, ve ku livua ngecize, na limo litangua liahi va ka yoya muono ua cili.

Omo lievi vitanga viaco, vamo vali na ku tonda na lukakatela viuma vi hasa ku va tuamenena ku muono ua cili ku lutue. Vamo va kulahela nguavo va ka yoya muono ua cili, muomu va pua va ku vezika ni nguetu va pasuka ha luholo. Vakuavo co, ve ku lilongesa mua kama na ku tonda vupite mu ku singanieka nguavo viuma viaco, vi ka va kuasa ku uana viose vi va tonda. Kaha kasi vakuavo co nguavo, ku pua lika muntu ua cili likelio lihungu lia ku yoya muono ua cili.

Vuno evi viuma vi tua tumbula helu, vi hasa mpundu ku ka mi kuasa ku yoya muono u mua tonda ni? Linga mu tantekeye cikumbululo, hilulenu ha vihula evi:

• Haka mpundu ua hitukila muono uenu ua ku lutue?

• Vuno ku lilongesa mua kama na vimbongo hakeho ha hitukila muono ua cili ni?

• Vuno muono ua cili ku lutue, ua hitukila ha ku pua muntu ua cili ni?

• Vika mpundu vi hasa ku mi tuamenena ku muono ua cili ku lutue?

Vuno Vutala vua Kaniungi, vu mi kuasa ku uana vikumbululo.