Ka Moka ga Rena re Nyaka go ba le Bokamoso bjo Bobotse
O ka rata go ba le bokamoso bja mohuta mang? Go swana le batho ka moka, le wena o ka ba o nyakela lapa la gago bokamoso bjo bobotse. O ka ba o nyaka go thaba, go ba le khutšo, go atlega e bile o phetše gabotse mmeleng.
Lega go le bjalo, batho ba bantši ba ipotšiša ge eba ba tlo ba le bokamoso bjo ba bo nyakago. Dilo tšeo di diregilego ka lebelo tša go swana le bolwetši bja COVID-19 di kgomile tsela yeo batho ba phelago ka yona, ka go dira gore go be le tlala le go bolaya batho ba bantši. Seo se dirile gore batho ba nagane gore ba ka se tsoge ba bile le bokamoso bjo bobotse.
Ka ge batho ba sa tsebe ditlalemeso, ba dula ba nyaka dilo tšeo di ka ba thušago gore ba be le bokamoso bjo bo kaone. Ba bangwe ba dumela gore matla ao a sa bonagalego a laola dilo tšeo di diregago maphelong a bona, mola ba bantši ba nagana gore dilo tše bjalo ka go rutega kudu, go ba le tšhelete e ntši le go ba motho wa batho di ka dira gore ba thabele bophelo.
Wena o naganang? Na dilo tše re boletšego ka tšona ka mo godimo di ka go thuša gore o be le bokamoso bjo bobotse? Gore o hwetše dikarabo tša dipotšišo tše, nagana ka dipotšišo tše di latelago:
Bokamoso bja gago bo laolwa ke eng?
Na thuto le tšhelete di ka dira gore o be le bokamoso bjo bobotse?
Ge o le botho, na go ra gore o tla ba le bokamoso bjo bobotse?
Re ka thušwa ke eng go ba le bokamoso bjo bobotse?
Dihlogo tšeo di lego ka gare ga Morokami wo, di tlo go arabela dipotšišo tše.
You May Also Like
ESSENTIAL BIBLE TEACHINGS
Mmušo wa Modimo ke Eng?
Ge Jesu a be a le mo lefaseng, o boletše ka Mmušo wa Modimo go feta selo le ge e le sefe. Ke kgale balatedi ba gagwe ba rapelela gore Mmušo woo o tle.
ESSENTIAL BIBLE TEACHINGS
Na Beibele e Bolela Therešo?
Ge eba Beibele e ngwadilwe ke Modimo, e swanetše go ba puku ya moswananoši yeo e kilego ya ngwalwa.
DIPOTŠIŠO TŠA BEIBELE DI A ARABJA
Na Beibele e re re na le Tokologo ya go Ikgethela? Na Modimo o Laola Dilo?
Batho ba bantši ba dumela gore dilo di fo itiragalela maphelong a bona. Na diphetho tšeo re di dirago di kgoma taba ya ge e ba re tla atlega bophelong?
MABAPI LE RENA
Kgopela Thuto ya Mahala ya Beibele
Ithute Beibele, goba o ithute ka mo go oketšegilego ka Dihlatse tša Jehofa.
