Atuho Tuhanda Omuenyo Ukahi Nawa
Tyina usoka komutwe wandyila, oityi uhanda okukala natyo? Tyipondola hamwe no ove uhanda okukakala nawa kumwe nombunga yove; okukala nehambu, nekongoko, nombembwa ngetyi ovanthu ovanyingi vahanda.
Ovanthu ovanyingi kavetavela okuti nthiki imwe ouye maukala nawa. Nkhele soka vala etyi tyalinga omukihi ou wokolona vilu. Wauhulukila vala ovanthu, awipaa ovanthu ovinyingi tupu auvehepesa. Mokonda yotyo ovanthu kavetavela okuti ouye nthiki imwe maukala nawa.
Ovanthu pahe vaovola ovipuka vasoka okuti mavivekuatesako okukakala nawa komutwe wandyila. Vamwe vayumba onthumbi movipuka viahamonwa. Ovakuavo vasoka okuti okutanga monosikola nokuovola olumono matyivekuatesako okukakala neevi vahanda. Nkhele ovakuavo vasoka okuti, okukala ovanthu vekahi nawa, vakuatesako vakuavo otyo matyivekuatesako okukakala nawa.
Okuti ovipuka tuapopia kombanda oku mavikukuatesako umwe okukakala nawa? Opo utyinoñgonoke, wesukisa okunoñgonoka omakumbululo omapulo aa:
Oityi una okulinga matyikukuatesako okukakala nawa?
Okuti matyikukuatesako okukakala nawa, okulongeswa, nonombongo?
Okukala nonondunge matyikukuatesako okukakala nawa?
Oityi matyikuhongolela ukakale nawa?
Omutala ou Womulavi maukukuatesako okuvasa omakumbululo omapulo.
Hamwe Noove Uhanda
ESSENTIAL BIBLE TEACHINGS
Ouhamba wa Huku Oityi?
Etyi Sesusi ali pano pohi walongesile vali unene konthele Youhamba wa Huku tyipona ovipuka ovikuavo. Momanima omanyingi ovanthu velikuambela opo Ouhamba wae uye.
ESSENTIAL BIBLE TEACHINGS
Oñgeni Matukala Nonthumbi Yokuti Ombimbiliya oyo Tyotyili?
Inkha o Huku watuma okuhoneka Ombimbiliya, kaipondola okulifwa nomukanda nawike wahonekwa novanthu.
ONTHUE VALIE
Ita na Ulongeswe
Lilongesa epulo limwe lyo Mbimbiliya, ine konthele yo Nombangi mba Siovaa.
