Balet, dakel ya totoo so aliwan segurado no kasin niwala ed sikara so bilay ya papangarapen da. Lapud wala ray bigbigla tan ag-iilaloan ya agawa singa say COVID-19 pandemic, inmirap ya maong so kabibilay na totoo, binmagsak so ekonomiya, tan dakdakel iray inatey. Kanian mapaga ira ed bilay dad arapen.

Lapud anggapoy kaseguradoan na bilay, manaanap iray totoo na mangigiya ed sikara pian nawalaan iray maong ya bilay ed arapen. Wala ray mantitiwala ed kapalaran odino suerte ya mangontrol ed bilay da. Wala met iray mangaalay atagey ya edukasyon tan manpapayaman, ta iisipen dan saratan so seguradon mangiter na mainawan bilay. Parad arum balet, basta manggawa kay kamaongan seguradon magmaliw ya maliket so bilay mo.

Kasin walad saraman ya abitla so makatulong pian niwala ed sika so bilay ya papangarapen mo? Pian naamtaan moy ebat, pan-isipan irayan tepet:

• Antoy makatulong pian maong so bilay mo ed arapen?

• Kasin niiter na edukasyon tan kuarta so maong ya bilay ed arapen?

• Kasin seguradon maong so bilay mo ed arapen no manggawa kay maong?

• Kasin walay napantiwalaan ya giya pian maong so bilay mod arapen?

Natulongan ka na sayan isyu na Panag-bantayan ya naamtaan so ebat.