Evriwan Laek for Garem Gud Laef
Wat kaen laef nao iu laek for garem? Olsem olketa narawan, maet iu and famili blo iu tu laek for hapi, garem gud health, peace, and garem gud living.
Bat staka pipol no sure if bae olketa garem gud laef. Olketa samting wea seknomoa happen olsem disfala COVID-19 pandemic hem barava affectim laef blo pipol, hem mekem olketa poor, and killim dae staka pipol. So olketa tingse hem hard nao for garem gud laef.
Datwan mekem pipol laek for savve wanem nao bae helpem olketa for garem gud laef. Samfala pipol trustim paoa blo olketa samting wea iumi no savve lukim. Staka pipol tingse for garem hae education and staka selen nao bae mekem olketa for garem gud laef. Olketa narawan tingse for duim gud samting for pipol datwan nao bae mekem olketa for garem gud laef.
Hao, eniwan lo olketa samting wea iumi storyim savve mekem man garem gud laef? For savve lo datwan, hem gud for tingim olketa kwestin hia:
Hu nao savve helpem iu for garem gud laef?
Hao, hae education and staka selen savve mekem man garem gud laef?
Hao, man wea duim gud samting for pipol savve garem gud laef?
Wat nao savve helpem iu for garem gud laef?
Disfala Wastaoa magasin bae explainim ansa for olketa kwestin hia.
Iu Laek Lukim Nara Samting?
ESSENTIAL BIBLE TEACHINGS
Wanem Nao Kingdom Bilong God?
Taem Jesus duim ministry bilong hem long earth, main samting wea hem story abaotem nao hem Kingdom bilong God. For staka handred year, olketa disaepol bilong hem prea for datfala Kingdom for kam.
ESSENTIAL BIBLE TEACHINGS
Hao Nao Iumi Savve Sure Bible Hem Kam From God?
Sapos God nao givim kam Bible, bae hem barava difren from olketa nara buk.
ABAOTEM MIFALA
Askem Samwan for Visit
Discussim wanfala Bible kwestin, or lanem moa samting abaotem Olketa Jehovah’s Witness.
