Tukuy allinta kausakuyta munanchej
Qan familiayki ima aswan qhepaman, ¿imaynatá kausakuyta munawajchej? Allintachá kausakuyta munawajchej, ¿icharí? Sanitos, sumajta, kusisqas ima. Tukuypis ajinata kausakuyta munanchej.
Jinapis ashkhas yuyanku ajinata kausakoyqa mana atikullasqanta. Imaraykuchus kausayqa uj ñawi chʼirmiypi cambianman. Coronavirus onqoyrayku ashkha runas mana trabajoyoj rikhurerqanku, wakintaj wañuporqanku. Chayrayku ashkhas yuyanku ni jaykʼaj sumajta kausakunanchejta.
Kausay llakiy kasqanta rikuspa runasqa aswan qhepaman sumajta kausakunankupaj, tukuy imata ruwanku. Wakenqa layqeriospi yanapata maskʼanku. Wakintaj yuyanku profesionales kaspa, qolqeyoj kaspa kusisqa kausakunankuta. Wakintaj yuyanku sumajta kausakunapaj kʼacha runalla kana kasqanta.
Jinapis, ¿kay imas kusisqa kausakunapaj yanapawasunmanchu? Chayta yachanapaj kay imaspi piensarina:
¿Imaspitaj runas creenku sumajta kausakunankupaj?
Profesionniyoj kay qolqeyojtaj kay, ¿yanapawasunmanchu sumajta kausakunapaj?
¿Kʼacha runas kaspallachu sumajta kausakusun?
¿Imataj yanapawasunman sumajta kausakunapaj?
Kay revistapi chayta yachakusunchej.
Kaykunatapis qhawaykurillawajtaj
BIBLIAMANTA SUMAJ YACHACHIYKUNA
¿Imastataj Diospa Gobiernon ruwanqa?
Jesusqa kay Jallpʼapi kashaspa Diospa Gobiernonmanta astawan parlarqa, ni imamantapis jinata parlarqachu. Jesuspa yachachisqasnenqa, chaymantapacha Diospa Gobiernon jamunanta mañakunku.
BIBLIAMANTA SUMAJ YACHACHIYKUNA
Bibliaqa cheqata parlan
Diospuni Bibliata qhelqacherqa chayqa, mana mayqen libro jinallachu kanan tiyan.
