Buri wese yifuza kuzabaho neza mu gihe kizaza
Wifuza kuzabaho ute mu gihe kizaza? Kimwe n’abandi benshi, nta gushidikanya ko wifuza kuzabaho neza wowe n’abawe, mwishimye, mufite ubuzima bwiza n’umutekano kandi nta cyo mubuze.
Icyakora abantu benshi ntibizeye ko bazabaho neza nk’uko babyifuza. Babonye ko ibintu bihinduka mu kanya nk’ako guhumbya. Urugero, icyorezo cya korona cyaje gitunguranye gituma ubuzima buhinduka, abantu barushaho gukena kandi gihitana benshi. Ibyo byatumye batakaza ikizere cyo kuzabaho neza.
Kubera ko abantu batazi neza uko bizaba bimeze mu gihe kizaza, bahora bashakisha icyo bakora kugira ngo bazagire ubuzima bwiza. Bamwe bizera imbaraga ndengakamere cyangwa amahirwe. Abandi bashakisha uko bakwiga amashuri menshi cyangwa bagashakisha ubukire. Ibyo babikora batekereza ko ari byo bizatuma bagera ku byo bifuza. Abandi bumva ko kuba umuntu mwiza ari byo bituma tugira ikizere cyo kuzabaho neza.
Ese muri ibyo tumaze kuvuga hari icyo wumva cyazatuma ubaho neza? Kugira ngo ubimenye suzuma ibibazo bikurikira:
Ni iki mu by’ukuri kigena uko uzabaho mu gihe kizaza?
Ese amashuri menshi n’ubukire byatuma wizera ko uzagira ejo heza?
Ese kuba umuntu mwiza byakwizeza ko uzabaho neza?
Ni hehe wabona inama nziza zatuma ugira ikizere cyo kuzabaho neza?
Uyu Munara w’Umurinzi uzagufasha kubona ibisubizo by’ibyo bibazo.
Ibindi wamenya
INYIGISHO Z'IBANZE ZO MURI BIBILIYA
Ubwami bw’Imana ni iki?
Igihe Yesu yari hano ku isi, inyigisho ze zibandaga ku Bwami bw’Imana. Abantu bamaze imyaka myinshi basenga basaba ko Ubwami buza.
IBIBAZO BISHINGIYE KURI BIBILIYA
Ni he nakura ibyiringiro?
Gushakira inama ahantu hizewe bishobora kugufasha kugira ubuzima bwiza muri iki gihe kandi ukagira ibyiringiro.
INYIGISHO Z'IBANZE ZO MURI BIBILIYA
Ese Bibiliya ivuga ukuri?
Niba Bibiliya yaranditswe n’Imana, igomba kuba itandukanye n’ibindi bitabo byose.
IBIBAZO BISHINGIYE KURI BIBILIYA
Bibiliya ivuga iki ku birebana n’uburenganzira bwo kwihitiramo ibitunogeye? Ese Imana ni yo igena ibizatubaho?
Abantu benshi bemera ko ibizababaho bigenwa mbere y’igihe. Ese amahitamo yacu agira ingaruka ku bizatubaho?
ABO TURI BO
Saba gusurwa
Muzaganira ku bibazo bishingiye kuri Bibiliya cyangwa ku byerekeye Abahamya ba Yehova
