Me, mingi ti azo ayeke sûr ape so ala yeke wara nzoni gigi ti kekereke so ala ye. Aye so zo aku terê ti lo na ni ape so asi gï hio tongaso, na tapande, COVID-19 asara si gigi akpengba na azo, ala tï na yâ ti yere, na même a fâ azo mingi. A sara si azo apensé so ayeke ngangu ti wara mbeni nzoni gigi ti kekereke.

So azo ayeke na kite na ndö ti nzoni gigi ti kekereke, a sara si ala yeke sara kue ti gi mbeni ye ti fa lege na ala. Ambeni zo asara confiance na angangu so lê abâ ape, ye tongana tënë ti destin. Mingi ti azo apensé so mandango mbeti nga na mosoro la ayeke sara si ala wara aye so ala ye. Ambeni apensé so ti duti mbeni nzoni zo la ayeke sara si gigi ti ala aga nzoni.

Eskê aye ni so la apeut ti sara si mo wara nzoni gigi ti kekereke so mo ye? Ti hinga tënë na ndö ni, bâ ahunda so:

• Nyen la ayeke fa lege biani na gigi ti mo ti kekereke?

• Eskê mandango mbeti nga na nginza la asara si gigi ti zo aga nzoni?

• Eskê ti duti mbeni nzoni zo la asara si gigi ti mo ti kekereke aga nzoni?

• Na ndo wa la mo peut ti wara nzoni fango lege ndali ti gigi ti mo ti kekereke?

Tour ti Ba Ndo so ayeke aidé mo ti wara akiringo tënë ni.