Nahan kpa, ior kpishi na jighjigh ér vea fatyô u zuan a mkpeyol u ve keren la ga. Sha ci u akaa a ve hen ér aa er ga kpa nga eren, er bouange u Korona u a wua ior kpishi, shi a ne ior ve kera eren kwagh sha gbaaôndo ga shi ican i ker ve la nahan. Kwagh ne na yô, ve nenge a mkpeyol ken hemen ga.

Er ior ve fe er a va lu ve ken hemen jighilii ga yô, mba keren akaa a ve hen ér aa va ve a mkpeyol yô. Mbagenev hen ér akaa a ve eren ken uma ve la cii ka sha ci u ikyôr lagh ve. Ior kpishi ka ve hen ér aluer ve za yunivasiti shi mba a inyaregh kpishi yô, kwagh u ve soo cii vea zua a mi. Mbagenev hen ér saa vea lu a inja i dedoo ve vea va lu ken mkpeyol ye.

Ma kwagh ken akaa ne una wase u u va lun ken mkpeyol er i sar u la je kpa? Wea soo u fan yô, time sha mbampin mban:

• Ka nyi ia wase u u fan er a va lu u ken hemene?

• Makeranta man inyaregh tseegh kuma u van or a mkpeyolo?

• Inja i dedoo tseegh ia fatyô u van or a mkpeyolo?

• Ka nyi ia wase u ve u va lu ken mkpeyolo?

Iyoukura ne ia wase u u zuan a mbamlumun.