Koko, anto efula mbidjaka taamu ɔnɛ vɔ hawotonga la nshi yayaye y’amɛna yakombolawɔ. Awui wele oko Kɔrɔnavirisɛ kotumbi la shashimoya ndo kambonga la shɛngiya ya kɔlɔ efula lo yoho yasɛna anto, ambokonya anto lo woola ndo kaanga lo lɔnyɔi l’anto efula. Etombelo wambonga la dui sɔ ele, vɔ ndjakiyanyaka lo dikambo dia nshi yawɔ yayaye ɔnɛ yɔ hayotonga amɛna.

Lo menda taamu tele lawɔ tɔsɔ, anto wolomɔlomɔ dia nyanga ɛngɔ kɛmɔtshi kayowalɔmbɔla otsha lo nshi yayaye y’amɛna. Amɔtshi ndjaɛkɛka lo weolo ɛmɔtshi wahɛnama, ɛnyɛlɔ vɔ mbetawɔka ɔnɛ awui wakakongɛma la ntondo. Anto efula mbesaka dia mbɔtɔ kalasa ndo monga ɔngɔnyi, wafɔnya dia awui asɔ wayowakimanyiya dia nkondja kɛnɛ kakombolawɔ. Akina fɔnyaka dia monga onto ɔlɔlɔ mbele kɛnɛ tshɛ kalɔmbama dia monga la lɔsɛnɔ la dimɛna.

Onde ekɔ dui dimɔtshi l’atei w’awui asɔ diayokokimanyiya dia monga la nshi yayaye yakombolayɛ? Dia nkondja okadimwelo, ekɔ ohomba wɛ nsɛdingola ambola anɛ:

• Kakɔna mɛtɛ kakoshikikɛ dia wɛ ayonga la nshi yayaye y’amɛna?

• Onde kalasa kana falanga mbayokokimanyiya dia monga la lɔsɛnɔ la dimɛna?

• Onde monga onto ɔlɔlɔ mbayokokimanyiya dia monga la nshi yayaye y’amɛna?

• Lende akokayɛ ntana ɛlɔmbwɛlɔ kayokokimanyiya dia wɛ nkondja nshi yayaye y’amɛna?

Asawo wa lo Tshoto y’Etangelo nyɛ koka kokimanyiya dia wɛ ntana ekadimwelo.