Pe jitsan wa spensarane mini pasiluk oj ajyukyujile ja jawi. Yujni yiluneje ke ja jastik junuki junta chʼaykʼujol wa xtukbʼi. Yuj smul ja jastik ekʼeli jastal ja chamel wa spuku sbʼaj ja COVID-19, ipaxita el ja sakʼanile jitsan kristyano, masni wokol stajel takʼin sok jitsanxa chamele. Ja yuj, jitsan wa spensarane ke ja lekil sakʼanil wa skʼanawe mini oj kʼot smeranil.

Sok jitsan chamkʼujol, ja kristyano kongana wa sleʼa jun jasunuk bʼa oj koltajukeyuj stajel jun lekil sakʼanil. Jujuntik wa sjipa skʼujole bʼa ipalik mi x-ilxi, jastal ja destino ma ja suerte. Jitsan wa skʼuʼane ke ja estudioʼik sok ja takʼini oj ajukyileyuj ja jas wa skʼanawe. Sok ja tuki wa spensarane ke bʼa stajel jun lekil sakʼanil malani kʼotel jun lekil kristyano.

¿Pe meran maʼ ke june ja bʼa jastik it oj bʼobʼ yawi juna lekil sakʼanil jastalni tolabida akʼanunej? Bʼa snajel, pensaraʼan ja bʼa jas ti nochani:

• ¿Maʼ tey bʼa skʼabʼ ja jas oj ekabʼaji?

• ¿Oj maʼ bʼobʼ yawi juna lekil sakʼanil ja estudioʼik sok ja takʼini?

• ¿Wan maʼ xbʼobʼ yawi juna lekil sakʼanil kʼotel jun lekil kristyano?

• ¿Bʼa wa xbʼobʼa taʼ tojelalik bʼa oja jipa kʼujol bʼa stajel jun lekil sakʼanil?

Ja rebista it oj skoltaya stajel ja sjakʼjeliki.