Latamanin lakaskinkgo akgtum tlan latamat
¿La xlakaskinti pi xtawi milatamat chu xla mifamilia kkilhtamaku nema aku mima? Xlikana pi kgalhiputuna tapaxuwan, ni tatatlaputuna, kgalhiputuna takaksni chu tuku namaklakaskina kmilatamat. Wa uma tuku putum latamanin lakaskinkgo: tlan latamat kkilhtamaku nema aku mima.
Pero lhuwa latamanin lakpuwankgo pi lu tuwa chuna latamakan. Akxilhkgonit pi latamat lakapala talakgpali. Akgtum liʼakxilhtit, pandemia xla COVID-19, lu kalakgpalininit xlatamatkan lhuwa latamanin, ni kaʼakchani tumin chu lhuwa tiku nikgonita. Wa xlakata, lhuwa tiku lakpuwankgo pi nikxni katikgalhiw akgtum tlan latamat.
Xlakata putum tuku lama, latamanin lu tekgsputunkgo tuku nakamakgtaya xlakata nakgalhikgo tlan latamat kkilhtamaku nema aku mima. Wi tiku lakpuwankgo pi tuku lama laklhkawilikanita chu lipawankgo suerte. Lhuwa tiku lakpuwankgo pi takgalhtawakga chu tumin nakamaxki tuku xlakan maklakaskinkgo. Chu amakgapitsi lakpuwankgo pi komo tlan nalikatsikgo nakgalhikgo tlan latamat.
¿Pero xlikana wa umakgolh tuku namaxkiyan tlan latamat nema kgalhiputunita? Xlakata nakatsiya, kalilakpuwanti uma:
¿Tuku tlan nalakgpali milatamat?
¿Namakgtayayan takgalhtawakga chu tumin xlakata tlakg tlan nalatapaya?
¿Komo tlan nalikatsiya tlakg tlan nalatapaya?
¿Niku natekgsa tamakgtay xlakata nakgalhiya tlakg tlan latamat?
Uma revista namakgtayayan xlakata natekgsa xatakgalhtin.
You May Also Like
ESSENTIAL BIBLE TEACHINGS
¿Tuku xTamapakgsin Dios?
Jesús tlakg lichuwinalh xTamapakgsin Dios nixawa atanu. Akglhuwa ciento kata kstalaninanin skinkgonit kʼoración kamilh uma Tamapakgsin.
ESSENTIAL BIBLE TEACHINGS
¿Tuku xlakata lipawanaw pi xlikana tuku wan Biblia?
Komo Biblia wa Dios matsokgninalh, uma wamputun pi ni xtachuna la amakgapitsin libros nema katsokgkanit.
XLAKATA AKININ
Kaskinti nalakgapaxialhnankana
Kakatsi xtakgalhtin akgtum takgalhskinin xalak Biblia o tlakg kakalakgapasti xtatayananin Jehová.
