Joperu uánikuechaksï eratsesïndi eska kánikua úkua jukaska xásï irekua ma jatsini. Exestiksïa eska sóntku úsïnga mójtakurhini ambe ma. Komueska pʼamenchakua COVID-19 na úka eska uánikua kʼuiripu pobri pakarapiringa ka uánikuechani uándikuani. Ísï jimboksïsï uánikuecha eratsejti eskaksï no uaaka ambakiti irekua ma jatsini.

Jimboka sóntku mójtakurhisïnga ambe ma, uánikua kʼuiripuechaksï jánguarhintasïndi jirinhani ambe ma enga jarhuatauaka sési irekani sánderu orhepani. Máruksï mintsikasïndi eska sési nikuauaka jimboka ísï uandakata jarhaskia o eska suerti jimboesïnga. Uánikuechaksï seguru jarhasti eska karrera ma jatsini ka sentabu uaaka jarhuataani paraksï jatsini ambe engaksï uékaaka. Ka máteruechaksï eratsesïndi eska ambakiti kʼuiripu máeni jarhuatauaka para sési nikuani imeecheri tsípikuarhu.

¿Peru meru uaa inde ambe úni eskajtsï sési irekaaka sánderu orhepatini ísï eskajtsï na uéjka? Parajtsï míteni eratsenta je arini ambe:

• ¿Uandakata jarhasïnia na enga jindeuaka chaari irekua?

• ¿Karrera ma jatsini o sentabu uaa eskajtsï sési irekaaka sánderu orhepatini?

• ¿Ambakiti kʼuiripu máeni uaa eskajtsï sési irekaaka sánderu orhepani?

• ¿Nanijtsï uaa exentani jarhuajperata enga mintsinharhikueka parajtsï úni ambakiti irekua ma jatsini sánderu orhepani?

I rebistaksïni jarhuataati exeantani mókuntskuechani.