Omanu valua va kuete atatahãi nda va ka kuata ekalo va yongola kovaso yoloneke. Ovo va mola ovitangi vieya ocipikipiki okuti, lomue wa vi lavokaile—ndeci efengi lio COVID-19—lina lia pongolola ovituwa viomanu, lia koka ekambo liolombongo loku ponda omanu valua. Omo liaco, ovo va sima okuti, ekalo liavo lio kovaso yoloneke ka lia kolelepo.

Omo liatatahãi aco, omanu va sakalala loku sanda ocina cimue ci va songuila koku kuata ekalo lia velapo kovaso yoloneke. Omanu vamue va kolela kolongusu ka vi letiwe ndeci osande, ndu okuti vi lava omuenyo wavo. Valua va sanda elilongiso lia velapo kuenda ovokuasi locisimĩlo cokuti, ovina viaco ovio vi ka va ĩha eci va yongola. Vakuavo va sima okuti, oku kala omunu uwa, oco lika va sukila oco va kuate omuenyo uwa.

Pokati kovina via tukuiwa ndeti, vi ku kuatisa hẽ oku kuata eci o yongola kovaso yoloneke? Oco o sange etambululo liaco, kũlĩhĩsa apulilo a kuãimo:

• Nye ci tumĩla ekalo liove lio kovaso yoloneke?

• Elilongiso kuenda olombongo vi ka eca hẽ omuenyo wa velapo?

• Oku kala omunu uwa oco lika ci sukiliwa oco tu kuate ekalo lia kolapo kovaso yoloneke?

• Pi o sanga usongui umue wa koleliwa oco o kuate ekalo liwa kovaso yoloneke?

Ovipama evi Viutala Wondavululi, vi pondola oku ku kuatisa oku sanga atambululo.