Guirá buñ nainy guibany sacró ló dzú ni sietra
¿Ximod nainy looy guibanylo né guibany xfamilo ló dzú ni sietra? Sigory nainy looy guibanylo goxt ro ma diti tzoʼ galguitz, ma diti tzoʼ galrradíil né gaplo guirá ni caquiinlo. Guiránac buñ raniiny guibany sacró ló dzú ni sietra.
Per, xidal buñ nigolú rasac nagan guibany scú. Portín ma bidudyibu cuent que tisintiempsi radzaʼ mod nabany buñ. Xtol galguitz xomod COVID-19, xidal buñ ma nirosondi ximod nabany, noʼ buñ ni ma diti nap dxiin né xidal buñ ma goity xtolni. Por ngú, xidal buñ rony pensary que dipa labúu sabany sacró.
Por guirá galnagan ni noʼ, buñ rayopy ni labúu gacné layibu guibanyibu sacró. Tipnés buñ rap confianz ló cós ni diti labúu rabiʼ, xomod suert o destino. Xidalyibu láaca ronyibu crer que pal rieeyibu scuel xirop né rapyibu bidxiich labúu sabanyibu sacró. Né stipnés rony pensary que sabanyibu sacró pal nacyibu buñtzay.
¿Per xí nigolúpa guirá ndeʼ labúu gacnéni looy guibanylo sacró ló dzú ni sietra la? Par ganlo láani, buny pensary ló ndeʼ:
¿Xí láani rony mandary looy?
¿Scuel xirop né bidxiich labúu sacnéni looy guibanylo sacró la?
¿Pal naclo buñtzay labúu sabanylo sacró ló dzú ni sietra la?
¿Xí labúu gacné looy guibanylo sacró ló dzú ni sietra?
Ló revista reʼ, sanlo ximod rarexa guirá galrranabdiitz reʼ.
Sigory láaca sioladxlo ndeʼ
VIDEOS XTUNY LA BIBLIA: GALRRASUIDY NI DITI NAGAN
¿Xí ngú Gobierno xtuny Dios?
Órni Jesús goyoʼ ló Gudxlio goniʼbu de Gobierno xtuny Dios más que stoib cós. Ma por xidal íz buñ ni racanal Jesús ranab guieed Gobierno o Reino reʼ.
VIDEOS XTUNY LA BIBLIA: GALRRASUIDY NI DITI NAGAN
¿Xigony labúu gapno confianz que ni raniʼ la Biblia nigolúni?
Dios nac ni bisaʼ la Biblia, por ngú libro reʼ gadzé mod nacni de stipnés libros ni noʼ.
DE LÓODO
Gonab ni tzáguen looy
Bisuidy ximod rabexa la Biblia tipnés galrranabdiitz o bisuidy más de testigos xtuny Jehová.
