¿Kasa aneetka atuma pukuwaʼipa watta kaʼi?
Wainma wayuu jülüjakana aaʼin aneerüin jee mojeerüin nakuwaʼipa sutuma kasa pülasü. Sutuma tia, naaʼinrüin waneirua kasa aneetka atuma nakuwaʼipa naashin.
SUNOUJAKA ANAIN WAINMA WAYUU
ASTROLOGÍA: Wainma wayuu jülüjakana aaʼin aneerüin jee mojeerüin nakuwaʼipa sutuma sukuwaʼipa tü jolotsü jemeikalü oʼu naya. Müsüjeseʼe naashajeʼerawalin tü kanüliakat horóscopo, eere süküjünüin namüin tü eekat süpüla sülatüin namüin. Sükajee tia, naneeküin tü naaʼinrajatkat süpüla anain nakuwaʼipa.
OOʼULAKIRAA: Eeshii wayuu oʼunakana namaʼanamüin na ooʼulaküliikana süpüla naküjain namüin tü naaʼinrajatkat. Natüjaapa saaʼu tia, naneeküin tü naaʼinrajatkat süpüla anainjatüin nakuwaʼipa.
AʼWAAJAA WATUUSHINUU: Eeshii wayuu aaʼinrakana kasa namüin na napüshi outuinnapakana jee namüin namaleiwase suulia naaʼinrüin kasa mojusü namüin, süpüla naaʼinmajüinjanain naya otta anainjatüin nakuwaʼipa natuma. Anuu sünüiki Van, * wanee jiet kepiaka Vietnam: «Jülüjapuʼusü taaʼin aneerüin takuwaʼipa namaa tachonnii maaʼulu jee watta kaʼi taʼwaajüle na tapüshi outuinnapakana».
ALATAASÜ TÜ SAAʼINKAT WAYUU OUTAPA SHIA: Wainma wayuu anoujakana sünain sülataain tü waaʼinkat outapa waya, alatüsü tia wainmatua naashin. Naaʼinrüle wanee wayuu kasa anasü kataiwaʼaya noʼu naashin, aneerü nukuwaʼipa sülataapa tü naaʼinkat süchikuaʼa. Naaʼinrataale kasa mojusü, mojeerü nukuwaʼipa.
Mayaainjeʼe wainmain wayuu nnojoliikana anoujain sünain tia naashin, ayatapejeʼe naʼwaajüin na napüshi outuinnapakana, nasakirüin outsü otta nanoujain sünain tü naʼlapüjaakalü amaa. Naaʼinrüin tia shiiʼiree natüjaain saaʼu tü alateetkat namüin mapeena.
TÜ EEKAT SÜNAINJEE TIA
¿Aneetche nakuwaʼipa na wayuu anoujakana sünain tia maaʼulu jee mapeena?
Jülüjataa waaʼin tü alatakat nümüin Hào, wanee wayuu kepiakai chaa Vietnam, ooʼulakitshi nia sükajee jolotsü, nuʼwaajüin na nüpüshi outuinnapakana shiiʼiree anain nukuwaʼipa. ¿Anasüche nukuwaʼipa? «Ajaʼlajaasü toikaain, wainma tojuyaala, wainma kasa alataka tamüin namaa tapüshi otta mojusü taaʼin sutuma tia», müshi Hào.
Qiuming wanee wayuu chejeʼewai Taiwán, anoujapuʼushi sünain astrología, sünain sülataain tü waaʼinkat outapa waya otta nuʼwaajapuʼuin na nüpüshi outuinnapakana. Anuu nünüiki süchiki tü naaʼinrapuʼukat: «Tayaawatüitpa aaʼu nnojoluin pansaain tü tanoujapuʼukalü anain. Jamüsüjaʼa tü astrologíakat maaʼawapuʼusü. Shiimainreje sülataain tü waaʼinkat outapa waya jülüjasüje waaʼin tü waaʼinrapuʼukat süpüla analeein shia suulia paala, nnojotpejeʼe alatüin tia».
«Tayaawatüitpa aaʼu nnojoluin pansaain tü tanoujapuʼukalü anain» (QIUMING, TAIWÁN)
Hào, Qiuming otta waneinnua wayuu nayaawata aaʼu nnojoleerüin anain nakuwaʼipa watta kaʼi sutuma tü nanoujakalü anain na wayuukana, maʼaka saaʼin tü jolotsükalüirua, naʼwaajüin na napüshi outuinnapakana otta sülataain tü saaʼinkat wayuu outapa shia. Sutuma tia, ¿nnojotsüche süpüla watüjaain saaʼu tü waaʼinrajatkat süpüla anain wakuwaʼipa?
Wainma wayuu eʼitaakana naaʼin sünain aneerüin nakuwaʼipa watta kaʼi koleejiale naya suluʼu eʼikülee miyoʼu jee washirüle naya. ¿Jamüsüche naaʼin na aaʼinrakana tia?
^ püt. 6 Aʼwanajaanüsü waneirua anüliee.
^ püt. 16 Pütchikat tia suluʼujeejatü tü Bibliakat, suluʼusü Galacia 6:7 (TNM). Eesü wanee pütchi müsü aka saaʼin tia naküjaka na chajanakana Oriente. Müsü shia: «Püpünajüle meruuna, akotchojeechi pia meruuna. Püpünajüle kepeshuuna, akotchojeechi pia kepeshuuna».
Eesüjaʼa kamalainjeerüle pümüin aashajeʼeraa tüü
AAPIRIA WAYUU
Astrología otta ooʼulakiraa: ¿shiiʼiyatüinche tü alatajatkat mapeena?
Eesüche süpüla punoujain sünain tü ooʼulakiraakat?
AAPIRIA WAYUU
Tü sümakat tü Wiwüliakat süchiki tü outaakat
¿Shiimainche sujuʼitüin wanee kasa waleʼeruʼujee süchiki outuin waya? ¿Shiimainche katüin soʼu tü saaʼinkat wayuu süchikijee outuin shia? ¿Jalashii na outushiikana?
