Hao, Man wea Duim Gud Samting for Pipol Savve Garem Gud Laef?
For staka handred year finis, staka pipol tingse for duim gud samting for narawan savve helpem olketa for garem gud laef. For example, staka pipol lo Asia agree witim wanem wanfala savveman wea nem blo hem Confucius (551-479 B.C.E.) talem. Hem sei: “Samting wea iu no laekem olketa narawan for duim lo iu, iu tu no duim lo olketa.” *
STAKA LAEK DUIM GUD SAMTING FOR PIPOL
Staka pipol tingse if olketa garem olketa gud wei, datwan savve helpem olketa for garem gud laef. So olketa respectim narawan, garem naes wei, luksavve lo wanem olketa shud duim lo community, and for garem gud konsens. Linh, wanfala woman lo Vietnam sei: “Lo tingting blo mi, mi savve if mi honest and kaen lo pipol bae mi garem gud laef.”
Samfala pipol duim gud samting for narawan bikos olketa followim teaching lo religion blo olketa. Hsu-Yun, wanfala man wea stap lo Taiwan sei: “Wanfala teaching lo religion blo mi sei, if man duim gud samting taem hem laef, bihaen hem dae bae hem hapi. Bat if hem duim nogud samting, bae hem safa bihaen hem dae.”
WANEM OLKETA KASEM
Hem tru, taem iumi duim gud samting for olketa narawan, iumi tu savve kasem gud samting. Bat staka wea duim gud samting for pipol luksavve pipol hia no kaen lo olketa. Shiu Ping, wanfala woman wea stap lo Hong Kong sei: “Mi luksavve man wea duim gud samting for pipol, bae no kasem gud samting evritaem. Nomata mi traem best for lukaftarem famili blo mi and duim gud samting for pipol, hasband blo mi lusim mi and son blo mi.”
Staka pipol luksavve no evriwan wea lotu garem gud wei. Etsuko, wanfala woman wea stap lo Japan sei: “Mi joinim wanfala religion and start for organizem olketa youth activity. Mi sapraes for lukim samfala lo religion hia duim olketa nogud samting, laek for kasem hae position, and olketa iusim selen blo church for olketa seleva.”
“Nomata mi traem best for lukaftarem famili blo mi and duim gud samting for pipol, hasband blo mi lusim mi and son blo mi.”—SHIU PING, HONG KONG
Samfala pipol wea lotu and duim gud samting for olketa narawan, feel nogud taem nogud samting kasem olketa. Hem nao samting wea kasem Van, wanfala woman from Vietnam. Hem sei: “Evriday mi putim olketa frut, flaoa, and kaikai lo altar for olketa ancestor blo mi. Mi tingse datwan bae mekem mi for kasem blessing. Nomata mi duim datwan and duim gud samting for pipol for staka year, hasband blo mi kasem big sik and dota blo mi wea skul lo nara kantri tu hem dae taem hem young nomoa.”
If man duim gud samting for pipol bat datwan no helpem hem for garem gud laef, then wat nao savve helpem hem for garem gud laef? Olketa Holy Raeting savve ansarem olketa kwestin blo iumi and helpem iumi for garem gud laef. Hao nao iumi savve kasem olketa gudfala advaes from olketa Holy Raeting?
^ par. 2 For savve lo information abaotem teaching blo Confucius, lukim buk Mankind’s Search for God, lo chapter 7, paragraf 31-35, wea Olketa Jehovah’s Witness pablisim and hem stap online lo www.pr418.com.
Iu Laek Lukim Nara Samting?
WEKAP!
Garem Gudfala Wei
Sapos iu teachim pikinini bilong iu for garem gudfala wei, datwan bae helpem hem long future.
