Авэла тутэ лащи жызня, если ту просто авэса лашо мануш?
Бут время и мануша гиндонас, кай если тэ авэс просто лашэ манушэса, тоди авэла лащи жызня. Например, по Востоко драго ӷанэн и алава лэ манушэстирэ, савэс ақарэнас Конфуций. Во сас учителё и философо (551—479 бэрш до н. э.). Во ԥэндя: «На тер аврэнди кода, со на камэс, кай тэ терэн тути» *.
ВЫБОРО, САВО СТЕРДЭ БУТ МАНУША
Бут мануша идоси патян, кай авэла стабильно жызня, если правильно пэс тэ андярэн. Вонэ старыинпэ тэ на ӷулен най андэ пэстири дила, тэ стон патив пэ авэр мануша, драго пэс тэ андярэн лэ манушэнца и тэ терэн вся, кай тэ авэл вужи совесть. Ек манушни анда Вьетнамо, савя ақарэн Лин, ԥэнэн: «Мэ всегда патявас, кай если авава честно и вся терава анда оди, тоди мандэ авэла лашимос».
Дэсавэ мануша камэн тэ терэн лашимос, важ кода кай кадя сытярэн лэн андэ лэндири религия. И манушни анда Тайвань, савя ақарэн Шу-Юнь ԥэнэн: «Ман всегда сытярэнас, кай кодэлэстар, сар о мануш пэс андярэл, лэла зависеть, со лэса авэла. Авэла во посли смэрть вечно тэ радуийпэ лэ лашимасти или лэла тэ мучийпэ».
КАРИНГ СО КАДА АНЭН?
Када чаче, кай и лащи дила анэн лэ манушэсти бут лашимос. Но кодэла, ко старыинпэ анда вся оди тэ терэн лашимос аврэнди, шон сама, кай най всегда лэнца обжанпэ кадя жэ драго. И Ши Пин, сави жувэл андо Гонконго, ԥэнэн: «Мэ пар пэстэ ӷанав, кай кодэлэнди, ко терэл о лашимос, во най всегда рийпэ. Мэ анда вся оди старысававас тэ заботисавав пала пэско ери и тэ терав лашимос аврэнди. Но мэрно ери роспэляпэ и о хулай мэкля ман и амарэ бэятос».
Бут мануша полинэ, кай и религия на поможый лэ манушэнди тэ авэн май лашэ. И Эцуко, сави жувэл андэ Япония, ԥэнэн: «Мэ присоеденилась каринг ек религия и лэм тэ проандярав мероприятии важ и молодёжь. Мэ фартэ удивисайлэм, кала диқлэм, кай и мануша бут со пэсти позволяли, боринаспэ важ и власть и нэ честно тратинас и пожэртвовании анда қандири, андэ сави мэ ԥиравас».
«Мэ анда вся оди старысававас тэ заботисавав пала пэско ери и тэ терав лашимос аврэнди. Но мэрно ери роспэляпэ и о хулай мэкля ман и амарэ бэятос» (ШИ ПИН, ГОНКОНГО)
Бут мануша, савэ патян андо Дэл, умэкэн и вас кала диқэн, кай хоть вонэ и терэн лащи дила, лэндэ всаек исин ԥаримос. Кацаво жэ сас по ди кай и манушни Вэн, сави жувэл андо Вьетнамо. Вой ԥэнэн: «Кажно дес мэ тинавас фрукты, цвиторя и хамос, кай тэ став пэ моӷилки, кай пашлён мэрнэ чаче, савэ мулинэ. Мэ када теравас, важ кода кай патявас, кай вонэ поможына манди, кай мэрни жызня тэ авэл май лащи. Хоть мэ и теравас лащи дила и теравас бут бэрша кадя, сар ԥэнэнас андэ мэрни религия, мэрно хулай фартэ занасвайля. Ай мэрни бэята, сави сас тэрнёры и жувэлас андэ авэр страна, муля».
Если кода, кай о мануш старыийпэ тэ авэл лашэ манушэса на дэл ӷарантия, кай авэла стабильно жызня, тоди со дэл кадэя ӷарантия? Атвето трэбуй тэ родас андо надёжно источнико, саво можэт тэ сыкавэл о дром каринг и лащи жызня. Со када за источнико?
^ абз. 2 Май бут инфармацыя пала кода, сости сытярэлас о Конфуций, можно тэ виарақэс андэ 7 ӷлава андэ книжка «Человечество в поисках Бога», абзацоря 31—35. Кадэя книжка вимэклэ лэ Иеговастирэ свидетеля и вой исин по сайто www.pr418.com.
