¿Jaleerü puusütüin anain tü anainjatkalü atuma pukuwaʼipa watta kaʼi?
Wainma wayuu achajaakana anainjatüin nakuwaʼipa watta kaʼi sükajee nooʼulakirüin outsü, koleejiain naya, kanneetsein otta kamaneein naya. Waaʼinrüle tia müsü aka saaʼin woʼunule suluʼumüin wanee mma nnojotka weʼraajüin sümaa wamaʼanain wanee mapa nnojotka pansaain. ¿Eesüche wanee kasa akaalinjeenaka waya süpüla anainjatüin wakuwaʼipa watta kaʼi?
TÜ ANAKAT SÜPÜLA OʼUNIRÜIN WAKUWAʼIPA
Waneekajatpa wanee kasa achunteeshii waya kaalinwaa nümüin chi eekai kekiin maʼin woulia. Anasüjeseʼe wooʼulaale nuʼunirüin wakuwaʼipa chi kekiikai maʼin süpüla anainjatüin wakuwaʼipa watta kaʼi. Tü pütchi nüküjakat wamüin suluʼusü shia tü Bibliakat. Eetaairü maʼaka 3.500 juya alatüitpaka süchikijee süshajünüin.
¿Jamüsü weʼitaainjatka waaʼin sünain tü Bibliakat? Shia süka kekiin maʼin chi kashajiralakai shia, nia «chi Laülaa Eetüjüikaʼaya nümaiwa», eetüjüiya nia ooʼulaka eejeechi nia süpüla kaʼikat süpüshuaʼa (Daniel 7:9; Salmo 90:2). Nia «chi Kakumalakai tü sirumatuʼukat, chi Maleiwa shiimainshikai, chi Kakumalakai tü mmakat» (Isaías 45:18). Nüküjain Jeʼwaain nünülia (Salmo 83:18).
Süka niain kashajiralain tü Bibliakat chi Kakumalakai wayuu, nnojotsü nüküjain eein wanee eʼiruku alanaʼaleeka suulia tü waneirua. Anasü sukuwaʼipa wayuu eekai saaʼinrüin tü sümakat tü Bibliakat jaʼitainna jalejeʼewaliin naya. Nnojotsü eein wanee karaloʼuta eekai süshajünüin suluʼu wainma anüikii maʼaka saaʼin tü Bibliakat jee eesü shia suluʼu mmakat süpüshuaʼa. * Müsüjeseʼe eein süpüla shiyaawatüin saaʼu wayuu tü sümakat tü Bibliakat otta suʼunirüin nakuwaʼipa. Anuu sünüiki tü Bibliakat:
«Shiimain nnojolüin koʼuin nükuaippa Maleiwakai sümüin wayuu. Wayuu eekai eein suluʼu mmakat süpüshua, kojutkat atüma Maleiwakai otta aaʼinrakat tü anasükat, nnojoleerü nüjütaain amaa shia» (ALUWATAAUSHIKANA [HECHOS] 10:34, 35).
Müshi Jeʼwaa maʼaka naaʼin wanee wayuu aika apüla nüchonnii süka nuʼunirüin wakuwaʼipa sükajee tü Bibliakat (2 Timoteo 3:16). Eesü süpüla piʼitaain paaʼin sünain tü Nünüikikat Maleiwa. Nia Maleiwa kakumalaka waya otta chi atüjaakai saaʼu tü anainjatkalü atuma wakuwaʼipa.
¿Kasa paaʼinrajatka süpüla piʼrüin tia kasa anasü eejeetkat mapeena? Paashajeʼera shia suluʼu tü wane pütchikat.
^ püt. 6 Pütüjeere sooʼomüin süchiki jamakuwaʼipalüin süpüla süshajünüin tü Bibliakat suluʼu wainma anüikii, pünaʼla suluʼu www.pr418.com eere sümüin SHIKIRAJAKA ANAIN TÜ BIBLIAKAT > TÜ BIBLIAKAT OTTA TÜ KASA ALATÜIRÜKAT.
^ püt. 16 Pütüjeere sooʼomüin, paashajeʼera tü karaloʼutakat La Biblia ¿la Palabra de Dios, o palabra del hombre?, kapiitulo 9 (alijunaikiruʼusü). Nakumajala na aküjaliikana pütchi nüchiki Jeʼwaa. Pünaʼla alijunaikiruʼu suluʼu www.pr418.com eere sümüin BIBLIOTECA > OTRAS PUBLICACIONES.
Eesüjaʼa kamalainjeerüle pümüin aashajeʼeraa tüü
AAPIRIA WAYUU
Tü shiimainkat süchiki tü alateetkat mapeena
Wachechera wanoula sünain tü nüküjakat Jeʼwaa süchiki tü alateetkat yaa mmapaʼa otta jameerüin sukuwaʼipa wayuu.
AAPIRIA WAYUU
¿Choʼujaasüche waaʼinrüinjatüin maaʼulu tü sümakat tü Wiwüliakat?
Mapüleeitpa maaʼulu achajawaa pütchi süchiki wanee kasa watüjaweeka aaʼu. ¿Kasapülajatka maʼin waashajeʼerajatka wanee karaloʼuta alüʼütka süpüla 2.000 juya süchikijee süshajünüin?
AAPIRIA WAYUU
¿Jaraiche atüjaaka saaʼu tü alateetkat mapeena?
Nütüjaa aaʼu Maleiwa aneerüin maʼin wakuwaʼipa soʼu palitchon kaʼi. ¿Shiimainche tü nümakat?
AAPIRIA WAYUU
Tü Wiwüliakat jee tü pukuwaʼipeetkat mapeena
Sükaaliinjain waya tü Wiwüliakat sülatüle wanee kasa wamüin. Jee müsia, süküjain tü alatajatkat mapeena.
