Nama Utai ke Ulih Ngiring Kitai Ngembuan Pengidup ti Manah Jemah Ila?
Baka ke udah dikerandauka ba artikel sebedau tu, mayuh orang bepanggai ba nasit, sekula tinggi, pengaya, enggau nyadi orang ke manah agi, kena ngulihka pengidup ti manah jemah ila. Tang, enti nuan bepanggai ba semua utai tu kena ngulihka pengidup ti manah jemah ila, nuan baka ke ngena peta ti salah nuju ngagai endur ke deka dituju nuan. Kati reti iya, kitai enda ulih ngembuan iring ke tau dipechaya, ngambika bulih pengidup ti manah jemah ila? Enda!
IRING ARI UTAI KE PEMADU MANAH
Lebuh ngaga pemutus, kesuah iya kitai minta penemu ari orang ke tuai agi sereta pintar agi ari kitai. Ba pekara ti sama, kitai ulih ngiga iring ke tau dipechaya ari Orang ke jauh tuai sereta pintar ari kitai. Kitai ulih macha lalau ari Orang tu dalam siti bup, iya nya Bup Kudus, ke ditulis dalam urung 3,500 taun suba.
Nama kebuah nuan ulih arapka Bup Kudus? Tu ketegal Pengarang iya Seiku Orang ke pemadu tuai sereta pintar ba dunya raya. Iya dikumbai “Iya ke idup belama iya,” ti “meruan belama iya.” (Daniel 7:9; Masmur 90:2) Iya nya, ‘Jehovah udah ngaga langit. Iya nya meh Petara! Iya nempa lalu ngaga dunya.’ (Isaiah 45:18) Iya madahka kitai nama Iya, Jehovah.—Masmur 83:18. *
Bup Kudus enda madahka sesiti bansa tauka adat manah agi ari ke bukai. Tu ketegal Bup Kudus datai ari Penempa ke semua mensia. Lalau ari Bup Kudus seruran ngena, sereta meri penguntung ngagai semua orang ba serata dunya. Bup Kudus mega bisi ditulis dalam mayuh bansa jaku, sereta disadung ngagai mayuh endur dibandingka ari bup ke bukai. * Nyadi, mayuh orang ulih macha sereta meretika Bup Kudus enggau senang, lalu bulih berekat ari iring Jaku Petara. Tu sejalai enggau utai ke dipadah Bup Kudus:
‘Petara endang amat enda bepilih mata, tang dalam semua bansa, barang sapa nangika Iya, lalu ngereja utai ti ngena sigi dikerinduka Iya.’—SURAT KEREJA RASUL 10:34, 35.
Baka apai indai ke bepengerindu ngiring bala anak sida, Petara Jehovah, Apai ti pengerindu mega nulung kitai nengah Jaku Iya, iya nya Bup Kudus. (2 Timoti 3:16) Nuan ulih pechayaka Jaku Iya laban Iya ngaga kitai, sereta nemu utai ke ngasuh kitai gaga ati.
Nama patut digaga nuan ngambika bulih pengidup ti manah jemah ila? Bacha meh artikel pengudah tu.
^ per. 5 Jehovah nya nama Petara ke bisi dalam Bup Kudus, senentang Jaku Penerang.
^ per. 6 Kena nemu mayuh agi pasal salin sereta chara Bup Kudus ke disadung, lawa meh www.pr418.com/iba lalu peda ba baruh tajuk AJAR BUP KUDUS > SEJARAH & BUP KUDUS.
^ per. 16 Kena nemu mayuh agi penerang, peda pelajar 3 bup Idup enggau Lantang Belama Iya!, poin 5 enggau 6. Bup tu dikeluarka Saksi-Saksi Jehovah lalu bisi ba www.pr418.com/iba. Ba baruh tajuk LIBRARI > BUP & BROSUR.
Nuan Engka Rindu Meda Tu
MENARA JAGA
Utai ti Bendar Pasal Jemah Ila
Keringka pengadang nuan pasal utai ke dipadahka Petara, iya nya pasal nama nyadi ngagai dunya enggau mensia ke idup ba dunya tu jemah ila.
MENARA JAGA
Kati Iring ari Bup Kudus Ulih Dikena Kemayaharitu?
Enggau semua penerang ti pemadu baru ke bisi diatu, nama kebuah kitai begunaka bup ti tembu ditulis nyauka 2,000 taun kelia?
MENARA JAGA
Bup Kudus enggau Pengidup Nuan ke Dudi Hari
Jaku Petara ulih nulung kitai napi utai ke ba mua—penanggul ke ditapi kitai ninting hari ba dunya tu. Tang Bup Kudus ulih ngereja lebih agi ari nya. Bup Kudus mega nulung kitai meda utai ke deka nyadi jemah ila.
SAUT NGAGAI TANYA PASAL BUP KUDUS
Kati Ulah enggau Runding Orang Kemayaharitu Mina Ramalan ari Bup Kudus?
Kati ulah enggau runding orang kemayaharitu mina ramalan ari Bup Kudus?
