O Kwila Kwala Itendelesu Yambote Itukwatekesa Kukala ni Kukondama Kuhádya?
Kala kitwamono mu milongi yatundumu, o athu asota o kukondama kwakidi, mukukayela o kixinganeku kya kwila: Yoso yoxinde kya, kudilonga kyavulu, umvwama ni kukala athu ambote. Maji kusota o kukondama bhukaxi ka ima yiyi, kwasoko ni kuteka o menya ni muswalu. Maji o kwila kiki kilombolola kuma seku itendelesu yambote, itena kutukwatekesa kusanga o kukondama kwakidi? Kana!
ITENDELESU YABETAKOTA KOTA
Muveji javulu, tuzwela ni mwadyakime mba muthu wala dingi ni unjimu ande kusola kima. Kyene we kimoxi, tutena kusanga itendelesu yanda tukwatekesa kusanga o kukonda kwakidi, ku Muthu wabeta kota mu kitala ni mu kwijiya. O itendelesu Ye, tu isanga mu mikanda, amateka ku isoneka 3.500 amivu kudima. O madivulu mba mikanda yiyi, yala mu divulu dikôla, adixana Bibidya.
Mukonda dyahi eye utena kudyelela mu Bibidya? Mukonda o Wavu o Bibidya, mwene o Mwadyakime mu ngongo yoso, mwene wabetakota mu unjimu. Mu Bibidya amwixana “Mukulu wa Ndamba,” yo weneku kya “tunde xahulu katé ku hadya.” (Daniyele 7:9; Jisálamu 90:2) Mwene wa “bhanga o mawúlu; Nzambi watenene kumba oxi, yú wa iyudika.” (Izaya 45:18) Mwene amutumbula mu dijina dye mwene, Jihova.—Jisálamu 83:18.
O Bibidya ki izwela kwila o ijila ni kikonda kya mwiji umoxi kyabeta dingi kota, o kya akwa ndenge, mukonda Mubhangi umoxi ngo wabhange o athu oso. O itendelesu yê yala ni valolo kate lelu, yabhekela kya mbote ku athu mu ngongo yoso. Yene yabetakota ku ilungulula mu madimi ni ku iwanena athu, o divulu dyosodyoso ndenge. * Kifwa, o athu kabasa o ixi mwa tungu, atena ku itendela ni kukayela o itendelesu yê. Kiki kilondekesa kwila, o izwelu yakayela, ya kidi mwene:
“Nzambi kene ni kathombo ka athu. Maji ku akwa jixi joso, woso umuxila mwène, hé ubhanga yoso yayuka, Mwène umutambulula.”—IKALAKALU 10:34, 35.
O tata muxitu, ubhanga yoso phala kubhana itendelesu yambote kwa mone, kyene we kibhanga Jihova Nzambi. Mwene utukwatekesa bhukaxi ka Maka Mê, o Bibidya. (2 Timote 3:16) Eye utena kudyelela mu Bibidya. Kuma mwène watubhange, mwene wejiya kyambote o wendelu utubhekela kusanguluka kumwenyu.
Ihi iwatokala kubhanga phala kumona o ima yiyi kuhádya? Tala o milongi yakayela.
^ kax. 6 Phala kwijiya dingi yalungu ni kikalakalu kya kulungulula o Bibidya mu madimi engi ni ku iwanena ku athu avulu, nde mu sayte www.pr418.com bweta kumbandu ENSINOS BÍBLICOS > HISTÓRIA & A BÍBLIA.
^ kax. 16 Phala kwijiya dingi, tala o kibatulu 9, mu divulu A Bíblia—Palavra de Deus ou de Homem? adibhange kwolo o Jimbangi ja Jihova. O divulu didi dyala mu internete, mu sayte www.pr418.com. Bweta ku mbandu KIDIDI KYAMADIVULU > MADIVULU NI TUMIKANDA.
Eye Nange Wandawabhela we o Maka Yá
O MULANGIDI
O Kidi Kya Lungu ni Hádya
Kolesa o kidyelelu kyê mu ima i zwela Nzambi ya lungu ni ixi ku hádya, ni athu a-nda tunga-mu
O MULANGIDI
O Kuila o Itendelesu ia Bibidia Iala ni Valolo ia Dikota Lelu?
Nyi milongi yoso yiyi mu izuwa yetu, mukonda dyahi twa tokala kukayela o itendelesu ya Bibidya, o divulu dyo soneke 2.000 jya mivu kudima?
O MULANGIDI
O Kuila Saí Muthu u Tena Kuijiia o Ima Ia-nda Bhita ku Hádia?
Ihi ia-nda bhita ku hádia.
O MULANGIDI
O Bibidia i ku Kuatekesa Kuzediua ku Hádia
O Mak’a Nzambi a tena ku tu kwatekesa ku dibhana nyi maka a kizuwa nyi kizuwa u twene mu dibhana na-yu ku mundu yú wa yibha. Maji o Bibidya i tu tangela we o ima ya-nda bhita ku hádya.
