Nki Kilenda Kusadisa mu Kala ye Zingu Kiambote?
Nze una omwene muna malongi mavitidi, muna kala ye zingu kiambote kuna sentu, wantu ayingi bebundanga e vuvu muna mpandu, tanga sikola zandá, mavua yo kala muntu ambote. Osadila mambu mama dina nze muntu ozolele kwenda mu zunga kimosi, kansi osadidi e mapa ikumfila ku zunga kiankaka. Nga ediadi disongele vo ke vena ye luludiku ko lulenda kutusadisa mu kala ye zingu kiambote? Ve.
LULUDIKU LWA MUNTU OSUNDIDI NGANGU
Vava tubakanga e nzengo, nkumbu miayingi tuvavanga luludiku lwa muntu utusundidi kimbuta ye ngangu. Diau dimosi mpe muna vua lusadisu muna kala ye zingu kiambote, tufwete vava luludiku lwa muntu una vo mbuta ye utusundidi e ngangu. Tulenda solola luludiku lwandi muna nkanda mosi uyikilwanga vo Bibila, wayantika sonekwa se vioka 3.500 za mvu.
Ekuma tulenda bundila e vuvu muna Bibila? Kadi Ndiona wasonekesa e Bibila osundidi wantu awonso muna kimbuta ye ngangu. Oyikilwanga vo “Munkulu-nkulu a Lumbu” una vo “Nzambi yamu mvu ya mvu.” (Daniele 7:9; Nkunga 90:2) Yandi i “Nsemi a zulu, wa Nzambi aludi, Ndiona wasema o ntoto.” (Yesaya 45:18) Okutuvovesanga vo e nkumbu andi Yave.—Nkunga 83:18.
Wau vo o Nsonekesi a Bibila yandi i Nsemi a wantu awonso, ke sianga mpambula za makanda ko ngatu kisi nsi. Malongi mandi ke maviokela ntangwa ko ye nluta kaka metwasanga kwa wantu awonso, kiakala nkia nsi bezingilanga. E Bibila kisekolwanga mu ndinga zayingi ye i nkanda usundidi kayaneswa mu nz’amvimba ke mu nkanda miankaka ko. * Ediadi disongele vo mu fulu yawonso dilenda kala diasazu kwa wantu mu bakula yo sadila malongi mandi. E Bibila kitoma songanga e ziku kia diambu diadi:
“Nzambi ke sianga mpambula ko, kansi muna zula yawonso, ndiona okumvumina yo vanga mambu mansongi otondwa kwa yandi.”—MAVANGU 10:34, 35.
Wauna mase bezolanga yo sadisa o wan’au, Yave wa Nzambi i Se dianzodi ona osadilanga e Diambu diandi, i sia vo, Bibila muna kutusadisa. (2 Timoteo 3:16) Olenda bunda e vuvu muna Bibila. Vana ntandu, Nzambi watuvanga ye ozeye dina tufwete vanga muna kala ye zingu kiambote.
Adieyi ofwete vanga kimana wavua e nsambu zazi kuna sentu? Tanga e longi dilende.
^ tini. 6 Muna zaya diaka mayingi mu kuma kia nsekola ya Bibila ye una kikayanesenuanga, kota muna nzil’eto ya internete, www.pr418.com yo ziula vana vasonama, ENSINOS BÍBLICOS > A HISTÓRIA E A BÍBLIA.
^ tini. 16 Muna zaya diaka mayingi mu kuma kia diambu diadi, tala e kapu kia 9 kia nkanda, A Bíblia—Palavra de Deus ou de Homem? wavaikiswa kwa Mbangi za Yave. Olenda wo solola mpe muna nzil’eto ya internete, www.pr418.com. Tala vana vasonama, BIBLIOTECA > LIVROS E BROCHURAS.
Nanga Oyangalela Mpe Malongi Mama
EYINGIDILU DIA NKANGU
Ludi mu Kuma kia Kusentu
Kumika e vuvu kiaku muna mambu kevovanga o Nzambi mu kuma kia mana mevangama ova ntoto kuna sentu ye mu kuma kia wantu bezingila vo.
EYINGIDILU DIA NKANGU
Malongi ma Nkand’a Nzambi nga Mfunu Mena o Unu?
Wau vo umbangu wa nza mu wokela kaka wina, ekuma o muntu kafwete vavila luludiku muna nkanda wankulu?
EYINGIDILU DIA NKANGU
Nga muntu olenda zaya mana mebwa kuna sentu?
EYINGIDILU DIA NKANGU
Nkand’a Nzambi ye Zingu Kiaku kia Kusentu
Diambu dia Nzambi dilenda kutusadisa mu zizidila e mpasi tunuananga zau mu nza yayi. Kansi, Nkand’a Nzambi mayingi uvanganga. Ukutuzayisanga mpe una ukala e zingu kia wantu kuna sentu.
