Ki Kapav Ed Nou pou Ena enn Pli Bon Lavenir?
Kouma nou ti gete dan bann lartik avan, pou gagn enn pli bon lavenir, bann dimounn inn met zot konfians dan bann kitsoz kouma destin, ledikasion, larises ouswa vinn enn bon dimounn. Me si nou servi sa bann mwayin-la pou esey gagn enn pli bon lavenir, se koumadir nou pe servi enn map ki pa bon pou al dan enn nouvo landrwa. Eski savedir ki nou pena okenn bon gid pou nou lavenir? Anou gete.
MEYER GID KI EXISTE
Bien souvan kan nou ena pou pran enn desizion, nou al get enn kikenn ki pli gran ek ki pli saz ki nou. Parey, ena enn Kikenn ki bien pli gran ek bien pli saz ki nou ek Li kapav gid nou pou nou lavenir. Nou kapav trouv So bann konsey dan enn liv ki finn ekrir inn gagn anviron 3,500 an. Sa liv-la se enn liv sakre ki apel Labib.
Kifer ou kapav fer Labib konfians? Parski li vinn depi sa Kikenn ki pli gran ek ki pli saz dan liniver la. Labib dekrir Li kouma “Ansien Bann Zour” ki la “depi touzour e pour touzour.” (Daniel 7:9; Psom 90:2) Limem “Kreater lesiel . . . , Limem vre Bondie, Li ki finn form later.” (Izai 45:18) Li fer nou kone ki so nom se Zeova.—Psom 83:18, NW.
Labib pa zis pou enn ras ouswa enn kiltir parski li vinn depi sa Kikenn ki finn kree tou dimounn la. So bann konsey touletan marse ek li itil pou tou bann dimounn. Labib se liv ki’nn plis tradir ek distribie dan lemond. * Savedir ki bann dimounn partou dan lemond kapav lir Labib ek les zot gide par so bann konsey. Sa bann linformasion-la konfirm seki Labib dir:
“Bondie tret tou dimoun parey lor mem baz. Bondie aksepte ninport ki dimoun dan ninport ki nasion si li ador li e fer seki drwat.”—ZISTWAR BANN APOT 10:34, 35.
Parey kouma bann paran ki ena lamour ed zot bann zanfan, Zeova osi, ki kouma enn Papa ki ena lamour, anvi ed nou atraver so Parol, Labib. (2 Timote 3:16) Ou kapav fer konfians so Parol parski se Li ki’nn kree nou ek Li kone ki pli bon pou nou.
Ki ou bizin fer pou gagn enn lavenir koumsa? Get prosin lartik.
^ par. 6 Pou gagn bann detay lor tradiksion ek distribision Labib, al lor nou sit www.pr418.com/mfe ek al dan seksion LABIB EK OU > LISTWAR & LABIB.
^ par. 16 Pou gagn plis ransegnman, get sapit 9 dan liv La Bible— Parole de Dieu ou des hommes? an Franse ki pibliye par bann Temwin Zeova. Sa liv-la disponib lor www.pr418.com/fr. Al dan seksion BIBLIOTHEQUE > LIVRES & BROCHURES.
Ena Osi
LATOUR DEGARD
Laverite Lor Lavenir
Ranforsi to lespwar dan seki Bondie dir pou ariv later dan lavenir ek bann dimounn ki pou res lor la.
LATOUR DEGARD
Eski Bann Konsey ki Ena dan Labib Itil Azordi?
Avek tou bann linformasion ki gagne sak minit, kifer eski nou bizin rod konsey dan Labib, enn liv ki’nn ekrir inn gagn anviron 2,000 an?
LATOUR DEGARD
Labib ek Ou Lavenir
Parol Bondie kapav ed nou avek bann problem ki zis devan nou—bann problem ki nou tou nou gagne toulezour dan sa lemond ki pa stab la. Me Labib fer plis ki sa. Li ekler fason ki nou trouv lavenir.
