Vika vi Hasa ku tu Tuamenena ku Muono ua Cili ku Lutue?
Ngeci mu tu na simutuilile mu cimpande ci na hiti, vantu ve ku seteka ku tonda muono ua cili, mu ku kulahela mu viuma ngeci mua soliti, ku lilongesa mua kama, vupite na ku pua muntu ua cili. Ku pangesa evi viuma, ci na pu ngue u tonda kuya ku cimo cihela, vunoni u talekesela mu njila yeka. Vuno eci ca lomboloka ngecize ka kua kele na vimo viahi vi hasa ku tu tuamenena ku muono ua cili ni? Houe!
KU TUAMENENA CA KU TUNDA KULI NTUAMENA UA KU HIANA
Mu tue ku linga vihangula via kama, vintsimbu via vingi tue ku lomba vukuasi ku muntu na kolo ni ali na vutongue ku hiana yetu. Na vuno vene, tu hasa ku uana ku tuamenena ca cili kuli umo mukuluntu kaha ua kala na mana ku hiana yetu. Vimamuna vieni tu hasa ku vi uana mu limo livulu lia ku lela li va putukile ku soneka imo miaka 3.500 ku nima. Livulu liaco va li luka nguavo Mbimbiliya.
Omo lia vika mu hasa ku kulahela mu Mbimbiliya? Muomu livulu liaco lia pua lia umo mukuluntu kaha ua kala na mana ku hiana vose muilu na ha mavu. Kaha va mu tumbula nguavo, uze ua kalako “fume ku ntsenkulu” kaha naua nguavo ua kalako ‘fume ku miaka yose na ku miaka yose.’ (Ndaniele 7:9; Visamo 90:2) Ikeye “uze ua tangele melu. Njambi uze ua vumbile mavu na ku a panga.” (Isaya 45:18) Kaha ua tu leka ngueni, lizina lieni ikeye Yehova.—Visamo 83:18.
Kaha mu ku linga Mbimbiliya ya tunda kuli Sakatanga ua vantu vose, ka ya muesele seho ku cimo cisemua ni muyati ku hiana ukuavo. Vimamuna viayo vie ku kuasa ntsimbu yose. Kaha naua ye ku kuasa vantu va mu vifuti viose ha mavu. Va i langulula mu malimi a engi na ku i tepela ku vantu ku hiana nkala livulu lieka. * Eci ca lomboloka ngecize Mbimbiliya i hasa ku tuamenena vantu vose kaha vantu vose va hasa ku ivuisisa. Evi via litombola na mezi a va na sonekako nguavo:
“Njambi ka hangula ku vantu: Vunoni ku miyati yose, ou uose a mu vuila vuoma, kaha a linga vuviuke, ikeye ya na tava.”—VILINGA 10:34, 35.
Ngeci mua cisemi ua cilemo, uze ue ku tuamenena vana veni, Yehova Tatetu ua cilemo ue ku tu tuamenena ku hitila mu Lizi lieni, Mbimbiliya. (2 Timoteo 3:16) Citava mu kulahele na mutima uose mu Lizi lieni; muomu ikeye ua tu tangele kaha a tantekeya muono ua cili kuli yetu.
Vika mua pande ku linga mangana evi vivezikiso kati vi ka mi hite? Tu vi talenu mu cimpande ci na hatako.
^ cin. 6 Linga mu tantekeye mizimbu ikuavo ku tuala ha ku langulula na ku tepela viMbimbiliya, kovelenu mu www.pr418.com talenu mu ENSINOS BÍBLICOS > A HISTÓRIA E A BÍBLIA.
^ cin. 16 Linga mu tantekeye mizimbu ikuavo, talenu kapitulu 9 ka livulu A Bíblia—Palavra de Deus ou de Homem? Li va tuhula Vakaleho va Yehova. Kaha mu hasa ku liuana mu www.pr418.com. kovelenu mu BÍBLIOTECA > LIVROS E BROCHURAS.
Halumo mu Hasa ku Lema Naua Evi
VUTALA VUA KANIUNGI
Vusunga ku Tuala ha Viuma vi ka Soloka ku Lutue
Kaniamesenu lukulahelo luenu ku tuala ha vati mavu a ka fua ku lutue kaha na vantu va ka yoyelaho.
VUTALA VUA KANIUNGI
Vuno ku Tuamenena ca Mbimbiliya ca Kala na Seho Ni?
Mu pue ku lana ca mizimbu ya hasa ku uana muntu mu minute imo lika, vuno ca pua ca seho ku tala mu livulu li va sonekele miaka 2.000?
VUTALA VUA KANIUNGI
Mbimbiliya na Muono Uenu ua ku Lutue
Lizi lia Njambi li hasa ku tu kuasa ku lua na visoti vie ku tu solokela mu ntsimbu ino?—vize vi tue ku pinda navuo matangua ose mu mavu a akalu. Vunoni Mbimbiliya ye ku tu kuasa ku tuvakana oho. Na ku tu hana lulavelelo lua cili ku lutue.
