Kasin Walay Napantiwalaan ya Giya Pian Maong so Bilay Mod Arapen?
Singa apantongtongan ed akauna iran artikulo, dakel ya totoo so manisia ya say kapalaran, edukasyon, kayamanan, tan panggaway kamaongan so mangiter na maong ya bilay ed arapen. Balet no saraya so usaren mon paraan, singa ka oonlad agmo kabisadon lugar insan duman mapa so uusaren mo. Labay to kasin ibaga ya anggapo lay napantiwalaan ya giya pian seguradon maong so bilay mod arapen? Andi!
SAY SANKAABIGAN A GIYA
No mandedesisyon tayo, kaslakan et mantetepet tayo ni ed sakey a mas matatken tan mas marunong ed sikatayo. Ontan met, makaanap tayo na napantiwalaan ya giya manlapud Sakey ya talagan mas matatken tan mas marunong nen say sikatayo. Nabasa tayo iray bilin To diad libron insulat manga 3,500 taon lay apalabas. Sayan libro et tatawagen ya Biblia.
Akin ya napantiwalaan moy Biblia? Lapud nanlapu iya ed sankatatkenan tan sankarunongan ya Persona ed interon uniberso. Sikatoy adeskribe bilang “Akauna nen Saray Panaon” ya “manlapud andi-anggaan ya anggad andi-anggaan.” (Daniel 7:9; Salmo 90:2) Sikato so “Manamalsa na katawenan, say tuan Dios, say amorma tan amalsa ed dalin.” (Isaias 45:18) Impakabat tod sikatayo so ngaran to ya Jehova.—Salmo 83:18.
Lapud say Biblia et nanlapud samay Amalsa ed amin ya totoo, anggapoy papaboran ton kultura odino lahi. Say bilin to et ag-ondadaan tan pakakagunggonaan na dakel ya totoo ed amin ya bansa. Available iya ed dakel ya lenguahe tan sayan libro so sankarakelan ya nibubunog ed interon mundo. * Kanian inerman so panaayaman na saray totoo, mainomay dan talosan tan manpaigiya ed saya. Napatunayan itan na sayan mismon ibabaga na Biblia:
“Anggapoy lalabien na Dios, noagta diad balang nasyon et makapaliket ed sikato so toon ontatakot ed sikato tan manggagaway duga.”—GAWA 10:34, 35.
No panon ya maar-aron igigiya na saray atateng iray ananak da, maar-aro itayo met ya igigiya nen Aman Jehova panamegley na Salita to, say Biblia. (2 Timoteo 3:16) Napantiwalaan mo so Salita to lapud sikatoy amalsa ed sikatayo tan amta to no panon tayon magmaliw ya maliket.
Antoy dapat mon gawaen pian seguradon maong so bilay mo ed arapen? Nengnengen so onsublay ya artikulo.
^ par. 6 Parad impormasyon tungkol ed panagpatalos tan panagbunog na Biblia, onlad www.pr418.com/pag tan nengnengen so BANGAT NA BIBLIA > HISTORY TAN BIBLIA.
^ par. 16 Parad kaaruman ya impormasyon, nengnengen so kapitulo 9 na libron The Bible—God’s Word or Man’s? ya im-publish na Saray Tasi nen Jehova. Available online diad www.pr418.com. Anapen ed LIBRARY > BOOKS & BROCHURES.
Ompan Nagustoan Mo Met
SAY PANAG-BANTAYAN
No Antoy Tua Nipaakar ed Arapen
Pabiskeg moy ilalom ed no antoy ibabaga na Dios ya nagawa ed dalin tan ed saray totoon manayam ditan.
SAY PANAG-BANTAYAN
Kasin Mausar nid Bilay so Biblia Natan?
Diad amin a sankabaloan ya impormasyon natan, akin et usaren tayo ni so libro ya akompleto manga 2,000 taon lay apalabas?
SAY PANAG-BANTAYAN
Say Biblia tan say Bilay Mod Arapen
Natulongan itayo na Salita na Dios ya nasarag iray situasyon ya walad arapan tayo—saray inagew-agew ya problema ed sayan mauges a mundo. Pero wala ni nitulong na Biblia. Naliwawaan to met so bilay tayo ed arapen.
