¿Shamuj punllacunapi cushilla causangapajca imataj ayudanga?
Ña ricushca shinaca achcacunaca alli causanata munashpami destinopi, alli titulota charinapi, cullquipi confiashcacuna. O alli persona canatami mashcashcacuna. Pero caita rurashpaca mana rijsishca llajtaman ringapaj mana alli rurashca croquista caticuj layami can. Chashna cashpapish shamuj punllacunapi cushilla causangapaj imata rurana cashcata yachangapajca shuj alli ayudatami charinchij.
ÑUCANCHIJTA YALLI ALLI YACHAJPAJ CONSEJOCUNA
Ima decisionta agllangapajca alli yuyayujcunatami tapunata yachanchij. Shinallataj shamuj punllacunapi cushilla causangapaj imata ruranata yachangapajca ñucanchijta yalli experienciata charijpi, alli yachajpimi confiana canchij. Cai alli yachajpaj yuyaicunataca casi 3.500 huatacuna huashamanmi escribi callarircacuna. Chai yuyaicunataca Bibliapimi tarinchij.
¿Bibliapica imamantataj confiana canchij? Tucuicunata yalli alli yachajpaj yuyaicunata charishcamantami Bibliapi confianchij. Paica “uni huatacunayuj Yuyajmi” can. Paica ‘huiñaimanta huiñaicama ña tiyaj Diosmi can’ (Daniel 7:9; Salmo 90:2). Paica “jahua pachata ruraj, cai pachata ruraj Mandaj Diosmi” can (Isaías 45:18). Paillatajmi Jehová shuti cashcata huillan (Salmo 83:18, NWT ).
Bibliaca tucuita ruraj Diospaj cashcamantami shuj llajtamanta cajcuna, shujtaj llajtacunamanta cajcunata yalli cashcataca mana yachachin. Bibliapi tiyaj consejocunaca muyundij Allpapi causajcunatami ayudashca. Bibliataca achca shimicunamanmi traducishcacuna. * Chaimantami casi tucuicuna shuj Bibliata charincuna. Tucuicunami chaipi tiyaj yachachishcacunata jahualla intindincuna. Chaipi tiyaj consejocunatapishmi cati tucuncuna. Shinallataj Bibliapica cashnami nin:
‘Pi cashpapish Taita Diospaj ñaupajpica tucuicuna chai shinallatajmi can. Maijan llajtapi causaj cashpapish Taita Diosta manchashpa allita rurajtami Taita Diosca alli nin’ (HECHOS 10:34, 35).
Ima shinami shuj cꞌuyaj yayaca paipaj huahuacunata ayudan. Chai shinallatajmi Jehová Diospish cꞌuyaj Yaya cashcamantaca Bibliapaj consejocunahuan ñucanchijta ayudan (2 Timoteo 3:16). Pai ñucanchijta ruraj cashcamantami ñucanchijpaj ima alli cashcataca alli yachan. Chaimantami paipaj Shimipi tiyaj consejocunapi confiai tucunchij.
¿Chashna sumajta causangapajca imatataj rurana canchij? Catij yachaipimi caimantaca yachashun.
^ párr. 6 Bibliata ima shina traducishcata, Biblia ima shina chꞌican chꞌican ladocunaman chayashcata yachasha nishpaca www.pr418.com paginapi BIBLIAMANTA YACHAICUNA > BIBLIAMANTA, HISTORIAMANTA nishca parteman yaicui.
^ párr. 16 Ashtahuan yachasha nishpaca La Biblia... ¿la Palabra de Dios, o palabra del hombre? nishca libropaj capítulo 9-ta ricui. Chai librotaca testigo de Jehovacunami rurarca. Chaitaca www.pr418.com paginapimi españolpi ricui tucungui. Chai paginapica BIBLIOTECA > OTRAS PUBLICACIONES nishcaman yaicui.
Caitapish yachai
HUILLAJ
¿Shamuj punllacunapica ima shinataj causashun?
Yaya Dios cai Allpapi ima shina causaita cugrinamanta, chaipi ima shina gentecuna causanamanta yachashpa cati.
HUILLAJ
¿Bibliapaj yuyaicunaca valishpachu catin?
Familiacuna alli causachun munashpami achca librocunata, revistacunatapish llujshichishcacuna. Cai tucui ayudacuna tiyajta ricushpami achca gentecunaca Bibliapaj yuyaicunataca ña mana valichincuna. ¿Bibliapaj yuyaicunaca valishpachu catin?
HUILLAJ
Bibliata yachashpami sumaj causaita charingui
Bibliaca llaquicunata ahuantachunmi ayudai tucun. Shinallataj shamuj punllacunapi sumaj causai tiyanatami huillan.
