Со па чачимастэ поможыя, кай жызня тэ авэл стабильно?
Сар ԥэнэнаспэ андэ статьи, савэ сас май англал, и мануша старыинпэ по разному тэ домардён, кай андэ жызня тэ авэл лашимос. Вонэ патян андэ судьба, домардён, кай тэ авэл лащи образования, розбарвадён и терэн лащи дила. Када сар тэ ладас по навиӷатаро, саво сыкавэл о дром най кордэ, каринг трэбуй. Но значит када, кай нико и нисо нэ можэт тэ дэл ӷарантия, кай авэла стабильно жызня? Най, кацави ӷарантия исин!
МУДРОСТЬ, САВИ МАЙ БАРИ, ЧЕМ КАЙ И МАНУША
Кала амэ прилас варисави ришэния, амэ пушас совето кодэлэстар, ко май барэдэр амэндар и кастэ исин опыто. Важ када, кай тэ полас, со трэбуй, кай тэ авэл стабильно жызня, давайте пушаса кодэлэстар, ко пэ бутэстэ май барэдэр амэндар и май мудро. Пала када можэм тэ уӷанас анда свынто книӷа, сави линэ тэ пистрон варикай 3 500 бэрш палпалэ. Кадэя книӷа называеца Библия.
Васо можно тэ патяс ла Библияти? Важ кода кай андэ люма нинай май барэдэр и май мудро, чем кодэва, ко дя амэнди ла. Пар лэстэ ԥэнэн, кай во «ԥурэдэр бэршэнца», пала лэстэ ԥэнэнпэ, кай во «сас вся и вечность» (Даниил 7:9; Псалом 90:2). Во «Кодэва, ко стердя о нэбо. Во чачуно Дэл, Во стердя и ԥув» (Исайя 45:18). Во дя амэнди тэ ӷанас, кай лэс ақарэн Иегова (Псалом 83:18).
Вижал, если и Библия дя кодэва, ко создал всаворэ манушэн, значит, вой важ всаворэ нацыи и культуры. Латирэ советоря вся и время поможын и анэн лашимос лэ манушэнди, кай бы вонэ тэ на жувэн. Нинай авэр кацави книӷа, сави пэрэандярдэ пэ кадя дэ бут шыба и сави доступно важ кажно мануш. Почти кажно мануш андэ люма можэт тэ адиной ла пэ пэстири шыб и тэ жувэл па латири мудрость. Вся када сжалпэ кодэлэса, со пистромэ андэ Библия *.
«О Дэл на диқэл, сави кай о мануш нацыя. Но андэ кажно народо исин кодэва, ко дарал лэстар и ритярэл лэско законо, ко кадя терэл чалёл лэсти» (ДЕЯНИЯ 10:34, 35).
Кадяжэ, сар и любящи родителя сытярэн пэстирэ бэятонэн, о Дэл о Иегова, сар любящё Дад, камэл амэнди тэ поможый через пэско алав, и Библия (2 Тимофею 3:16). Амэ можэм тэ патяс лэстирэ алавэсти, важ кода кай во создал амэн и ӷанэн, со авэла важ амэндэ май фэдэр.
Со тути трэбуй тэ терэс, кай тэ авэл кацави жызня? Пала када уӷанэса андэ авэр статья.
^ абз. 6 Май бут инфармацыя пала переводо и пала кода, пэ скати дэ доступно и Библия, можэш тэ уӷанэс по сайто www.pr418.com (раздело СЫТЯРЭЛ И БИБЛИЯ > БИБЛИЯ И КОДА, СО САС).
^ абз. 16 Май бут инфармацыя исин андэ 9 ӷлава андэ книжка «Библия: слово Бога или человека?». Кадэя книжка вимэклэ лэ Иеговастирэ свидетеля и вой исин по сайто www.pr418.com (раздело БИБЛИАТЕКА > КНИЖКИ И БРАШУРЫ).
Тути кадяжэ можэт тэ авэл интересно
СТОРОЖЭВО БАШНЯ
О чачимос пала кода, со авэла англэ
Стон зор, кай май фартэ тэ патян андэ кода, со обещает о Дэл пала ԥув и пала мануша, савэ лэна тэ жувэн пэр латэ.
СТОРОЖЭВО БАШНЯ
И доси адес поможын и алава анда Библия?
Кала исин кадя дэ бут нэви инфармацыя, состэ тэ шон сама пэ книӷа, савяти почти 2000 бэрш?
СТОРОЖЭВО БАШНЯ
Кода, со пистромэ андэ Библия, поможый тэ уӷанэс, со тутэ авэла англэ
И алава анда Библия поможын амэнди андо адесутно ԥаримос, ай кадяжэ андэр латэ росԥэнэнпэ пала кода, со авэла англэ.
