¿Ay maʼ jun tojwanum bʼa wa xbʼobʼa jipa kʼujol bʼa oj yawi juna lekil sakʼanil?
Jastalni kilunejtik man wego, ja kristyano sleʼuneje modo bʼa oj ajyuk jun sakʼanile mas lek sjipjel skʼujole ja bʼa destino, ja estudioʼik, ja takʼin ma kʼotel lekil kristyanoʼik. Pe skʼulajel ja it jachni jastal slejel modo kʼotel bʼa jun lugar yajel makunuk jun mapa bʼa jel jastik mi stojoluk yiʼoj. Pe ja it mi wa xkʼan yal ke mey jun jasunuk bʼa mi xbʼobʼ jipjkʼujoltik bʼa oj ajyuk jun lekil jsakʼaniltik.
JA STOJELAL JUNE BʼA MASTO JEL BIBO
Yajni wa stsaʼatik ay jas oj jkʼuluktik, ja jas kʼajyel wa xkʼulantiki jani sjobʼjelyi june bʼa mas wa snaʼa ma june bʼa mas ayxa skʼujol ke yuj keʼntik. Ja yuj, ta wa xkʼana oj ajyuk jun lekil jsakʼaniltik, sbʼejni oj jipjkʼujoltik bʼa june maʼ ayxa yiʼoj mas snajelil sok masto bibo yuj keʼntik. Ja tojelal it kʼotelni yabʼal Dyos sok kʼe tsʼijbʼaxuk ayxa junuk 3.500 jabʼil. Jani wa xkʼan kaltik ja Biblia.
¿Jas yuj wa xbʼobʼa jipa kʼujol bʼa Biblia? Yujni jaʼ spensar ja maʼ jel bibo bʼa sutanal ja luʼumi. Yeʼnani kʼotel ja «Ansyano bʼa Kʼakʼuʼik», bʼa «tolanibida Dyos ajyela» (Daniel 7:9; Salmo 90:2). Yeʼnani ja «Kʼuluman ja bʼa satkʼinali, ja Dyos smeranili, ja Maʼ stojbʼes ja luʼumi» (Isaías 45:18). Yeʼnani mismo wa xyala kabʼtik ke ja yeʼn wa sbʼiʼilan Jyoba (Salmo 83:18).
Yuja Biblia tini jakel bʼa maʼ skʼulan spetsanil ja kristyano, mini wa sjeʼa ta masto lek jun kultura ma rasa ke yuja tuk. Ja srasoniki tolabida makunel sok skoltunej kristyanoʼik bʼa tuktukil parte. Jani ja libro sutubʼal bʼa jitsan kʼumalik sok ja mas pilubʼal bʼa sutanal ja luʼumi. * Ja yuj, chikan jas kristyano wani xbʼobʼ yabʼ stojol sok yajelkan bʼa atojukyuj. Chomajkil, ja Biblia wa xyala:
«Ja Dyosi mini june maʼ menos wa xyila, wani skʼulan aseptar ja matik wa xiwyeyuji sok wa skʼulane ja bʼa jas leki, chikan bʼa xchonabʼeʼa» (HECHOS 10:34, 35).
Jastalni jun lekil tatal wa syajtay sok wa skoltay ja yuntikili, ja Jyoba Dyos juni Tatal jel xyajtani sok wa skoltayotik soka Yabʼali, ja Biblia (2 Timoteo 3:16). Ja weʼn wani xbʼobʼa jipa kʼujol ja bʼa Yabʼal ja Dyos. Pes yeʼnani skʼulanotik sok wani snaʼa ja jas mas lek bʼa keʼntik.
¿Jasa tʼilan oja kʼuluk bʼa jach oj ajyan ja bʼa tyempo jakumi? Oja wil bʼa artikulo ti nochan.
^ par. 6 Ta waxa kʼana oja naʼ mas sbʼaja Bibliaʼik sutubʼali sok janekʼ pilubʼal, kaʼax bʼa www.pr418.com sok bʼatsayi bʼa SJEJELIK BʼA BIBLIA > JA BIBLIA SOKA JASTIK EKʼEL.
^ par. 16 Ta waxa kʼana oja naʼ mas, kʼela ja kapitulo 9 bʼa libro La Biblia... ¿la Palabra de Dios, o palabra del hombre?, yaʼuneje eluk ja testigoʼik bʼa Jyoba. Ayxa elel bʼa www.pr418.com. Bʼatsayi bʼa BIBLIOTECA > OTRAS PUBLICACIONES.
Bʼobʼta cha ojni akʼul gusto
JA JUʼUN CHOLUMANI
Ja smeranil sbʼaja tyempo jakumi
Kʼuʼan bʼa ojni kʼotuk ja jas wan skʼapjel ja Dyos oj ekʼuk ja bʼa Luʼumi sok ja swinkili.
JA JUʼUN CHOLUMANI
¿Wanto maʼ xmakuni ja Biblia?
¿Sok jitsan jastik ajkʼach wan ajyel sok ja aparatoʼik ja bʼa jtyempotik, ¿wanto maʼ xmakuni ja Biblia?
JA JUʼUN CHOLUMANI
Ja Biblia sok ja jsakʼaniltiki
Ja Yabʼal ja Dyos wa skoltayotik bʼa oj jnatik jastal stojbʼesel ja wokolik: ja wokolik wa x-ekʼ jbʼajtik kʼakʼu ja bʼa luʼumkʼinal it. Wa xyakitik jun smajlajel ja bʼa tyempo jakumi.
