¿Baʼax jeʼel u yáantkoʼon utiaʼal ka xiʼiktoʼon utsileʼ?
Jeʼex tsʼoʼok k-ilkoʼ yaʼab máakoʼobeʼ tumen u kʼáatoʼob ka xiʼik utsil tiʼobeʼ ku creerkoʼob le destinooʼ, ku kaʼantal u xookoʼob, ku sen meyajoʼob utiaʼal u yantaltiʼob taakʼin wa ku beetkoʼob baʼaloʼob maʼalobtak tu yoʼolal u maasil. Pero le máaxoʼob beetik lelaʼ bey ka u usartoʼob junpʼéel mapa maʼ maʼalob beetaʼanileʼ, tumen mix bikʼin kun kʼuchloʼob tuʼux taak u binoʼob. U jaajileʼ yaan junpʼéel baʼal jeʼel u yáantik máak utiaʼal ka xiʼik utsil tiʼeʼ.
CONSEJOʼOB KU TSʼAʼABAL TUMEN LE MÁAX MAAS YAAN U NAʼATOʼ
Como k-kʼáat ka xiʼiktoʼon utsileʼ u suukileʼ k-kʼáatik consejoʼob tiʼ máax maas nojoch tiʼ toʼon tumen maas yaan u naʼat. Le máax maas jeʼel u yáantkoʼonoʼ letiʼe Máax beet u tsʼíibtaʼal le Bibliaoʼ. Le consejoʼob ku taaloʼob tiʼ Diosoʼ tiaʼan teʼ Bibliaoʼ yéetel káaj u tsʼíibtaʼal walajki 3,500 añoseʼ.
¿Baʼaxten jeʼel u páajtal k-confiar tiʼ le Bibliaoʼ? Tumen minaʼan máax maas yaan u naʼat jeʼex le Máax beet u tsʼíibtaʼaloʼ. Letiʼ «le Máax desde úuch yanakoʼ», «desde úuchjeakil tak kʼiinoʼob minaʼan u xuul» (Daniel 7:9; Salmo 90:2). «Letiʼ beetmil le kaʼanoʼ, letiʼ u jaajil Dios, letiʼ tsʼáa forma tiʼ le luʼumoʼ» (Isaías 45:18). Letiʼeʼ ku yaʼaliktoʼoneʼ u kʼaabaʼeʼ Jéeoba (Salmo 83:18).
Le Máax beet u tsʼíibtaʼal le Bibliaoʼ letiʼ xan beetmil máak, letiʼeʼ u yaabiltmaj tuláakal máak, kex jeʼel máakalmáak u razaeʼ. Le consejoʼob yaan teʼ Bibliaoʼ tsʼoʼok u yáantik yaʼab máakoʼob. Le Bibliaoʼ letiʼe libro tsʼoʼok u traducirtaʼal ich maas yaʼab idiomaʼoboʼ yéetel letiʼe libro tsʼoʼok u maas tʼoʼoxol tiʼ tuláakal yóokʼol kaaboʼ. * Jeʼel máaxak ka u xokeʼ jach séebaʼan jeʼel u naʼatik baʼax ku yaʼalikeʼ. Le Bibliaoʼ ku yaʼalik:
«Dioseʼ mix máak jelaʼan u paktik, baʼaxeʼ tiʼ tuláakal kaajeʼ ku kʼamik jeʼel máaxak ku beetik baʼax maʼalobeʼ yéetel jeʼel máaxak u chʼaʼamaj saajkilil tiʼeʼ» (HECHOS 10:34, 35).
Jeʼex juntúul taatatsil u yaabiltmaj u paalaleʼ, Jéeoba xaneʼ u yaabiltmoʼon yéetel u kʼáat ka xiʼiktoʼon utsil (2 Timoteo 3:16). Techeʼ jeʼel u páajtal a confiar tiʼ le Bibliaoʼ tumen le Máax beet u tsʼíibtaʼaloʼ letiʼ beetoʼon yéetel u yojel bix jeʼel u bintoʼon utsileʼ.
¿Baʼax unaj a beetik utiaʼal a wilik u béeytal le jatsʼuts promesaʼobaʼ? Teʼ tuláakʼ xook ken k-il u núukiloʼ.
^ xóot’ol 6 Wa taak a wojéeltik u maasil yoʼolal bix traducirtaʼab yéetel bix yanchajik tiʼ máak le Bibliaoʼ ooken www.pr418.com, kaxt U KAʼANSAJ LE BIBLIAOʼ > BIX ANCHAJIK LE BIBLIAOʼ.
^ xóot’ol 16 Wa taak a wojéeltik baʼax uláakʼ profecíaʼob tsʼoʼok u béeytaloʼobeʼ ilawil le capítulo 9 tiʼ le libro La Biblia... ¿la Palabra de Dios o palabra del hombre? ich español. Beetaʼan tumen u testigoʼob Jéeoba. Tiaʼan teʼ sitio www.pr418.com, kaxt BIBLIOTECA > OTRAS PUBLICACIONES.
Maʼ xaaneʼ jeʼel u yutstal xan ta wicheʼ
LE MÁAX KU KANANOʼ
U jaajil yoʼolal baʼax ku taal u kʼiin
Ilawil baʼaxten jeʼel u béeytal a creertik le baʼaxoʼob ken u beet Dios utiaʼal u jatsʼutstal le Luʼumaʼ.
LE MÁAX KU KANANOʼ
¿Láayliʼ wa ku yáantaj le Bibliaoʼ?
Wa yaʼab baʼaloʼob túumbentak yaneʼ, ¿maʼalob wa ka meyajnaktoʼon le Biblia kex óoliʼ dos mil años tsʼíibtaʼakoʼ?
LE MÁAX KU KANANOʼ
¿Máax u yojel baʼax ku taal u kʼiin?
Yaan juntúul máax aʼalikeʼ jach yaan u bintoʼon utsil. ¿Jeʼel wa u páajtal a creertikeʼ?
LE MÁAX KU KANANOʼ
Le Bibliaoʼ ku yáantkoʼon utiaʼal ka xiʼiktoʼon utsil
U Tʼaan Dioseʼ ku yáantkoʼon k-utskíint le problemaʼob ku yantal sáamsamal ichil k-kuxtaloʼ.Tsʼoʼoleʼ ku yeʼesik xan baʼaxoʼob maʼalobtak ku taal u kʼiin.
