¿Noʼ ni labúu conés looy par guibanylo sacró ló dzú ni sietra la?
Dada reʼ ma bisuidyno ximod tipnés buñ rap confianz ló destino, scuel xirop, bidxiich o racyibu buñtzay par labúu tzeeni layibu sacró ló dzú ni sietra. Per pal ñonyno ngú, nacni suusi naquiinno toib mapa ni sitnegoluʼ galrraché. Ndeʼ diti radudy diitz que diti noʼ ni labúu conés lóono par guibanyno sacró ló dzú ni sietra.
NOʼ TOIB NI MÁS NAN NI LABÚU CONÉS LOOY
Órni ragoʼno guicno gonyno toib cós, nír ranabdiitzno toib buñ ni más nan né ni más lagol que lóono. Por ngú, pal naniiny guibanyno sacró ló dzú ni sietra non gapno confianz ni más nan né ni ma bibany más tiemp que lóono. Guirá consej ni radudybu sieedni ló toib libro ni cuá más de 3.500 íz. Canino de la Biblia.
¿Xigony labúu gaplo confianz ló la Biblia? Portín ni bisaʼ láani nan más que nitisi buñ. Láabu ngú «Anciano de Días», noʼbu «desde nírcu né dada por tipzó» (Daniel 7:9; Salmo 90:2). Láabu ngú «ni Bisaʼ guibá, Dios ni rony xinésni, ni bisaʼ gudxlio» (Isaías 45:18). Láacabu raibybu lóono que laabu, Jehová (Salmo 83:18).
Jehová, Dios ni bisaʼ buñgudxlio bidudy la Biblia lóono. Diti rasuidyni pal toib gudx o toib color más rareʼ loguiaʼ ló stipnés. Consej ni sitnéni guirá ór racnéni né ma gocnéni buñ de guirá lad. Láasini ma góc traducirni ló xidal diitz né ma bigaisyni ló guidopynac Gudxlio. * Por ngú, nitisi buñ labúu rientzaay ni náni né rasob láani. La Biblia ná:
«Dios diti rabúbu buñ, xalagary ngú racacuentbu buñ ni rap respet láabu né ni rony xinésni, nac nitisi nac xcudxyibu» (HECHOS 10:34, 35).
Xomodca toib buñ randxiʼdot né racné xiin, Jehová láaca ronladx lóono né raquiimbu la Biblia par gacnébu lóono (2 Timoteo 3:16). Looy labúu gaplo confianz ló Xtiitz Dios. Portín láabu bisaʼbu lóono né nanbu xi láani ngú ni más galán.
¿Xí raquiin gonylo par guibanylo modcu? Sasuidylo láani ló artículo ni sieed.
^ Párrafo. 6 Pal nainy looy ganlo ximod ma góc traducir né ma bigaisy la Biblia, goyee ló www.pr418.com né biquichña ro ná, NI RASUIDY LA BIBLIA> LA BIBLIA NÉ HISTORIA XTUNYNI.
^ Párrafo. 16 Pal nainy looy ganlo más, bibiʼ capítulo 9 ni sieed ló libro ni laa, La Biblia... ¿la Palabra de Dios, o palabra del hombre?, ni goleʼ testigos xtuny Jehová. Noʼni ló www.pr418.com. Biquichña ro ná BIBLIOTECA > LIBROS NÉ FOLLET.
Sigory láaca sioladxlo ndeʼ
GUIICH NI CANIʼ
Ni guicaʼno ló dzú ni sietra nigolúni
Buny nadip confianz ni naplo que sac cumplir ni ma goniʼ Dios gony ló dzú ni sietra.
GUIICH NI CANIʼ
¿Raquiinra xilitz la Biblia ló xtzúno la?
Rabésno ló toib Gudxlio ro bidza información né tecnología. Por ngú, ¿xigony golno toib libro ni cuá ma de goló chop mil íz?
GUIICH NI CANIʼ
La Biblia né ló dzú ni sietra
Xtiitz Dios racnéni lóono guicalóno galnagan dzú ná dzú ló gudxliogoxreʼ ro diti nanno xí guisaclono. Per diti ngúsi, láaca rasaníni lóono ló dzú ni sietra.
