Emu Vaira Nega Oi Abia Hidi Diba
Lagani 3,500 bamona gunanai, Iehova Dirava ese ia idia tomadiho henia taudia edia vaira nega ia namo totona, do idia karaia gauna ia gwauraia. Ia gwau: “Lau ese emui vairanai mauri bona mase, hanamoa bona hadikaia lau atoa. Bona namona be umui ese mauri umui abia hidi, umui bona emui bese taudia umui mauri totona.”—Deuteronomi 30:19.
Vaira nega namona idia abia totona, unai taudia ese abia hidi maorona idia karaia be namo. Hari, ita danu be unai bamona abia hidi do ita karaia. Baibel ese vaira nega namona abia hidi dalana ia herevalaia, ia gwau: “Iehova emui Dirava umui lalokau henia, ena hereva umui kamonai.”—Deuteronomi 30:20.
EDENA DALA AI IEHOVA ITA LALOKAU HENIA BONA KAMONAI HENIA?
BAIBEL AMO DIBA OI ABIA: Iehova oi lalokau henia totona, Baibel amo ia oi dibaia guna be namo. Unai oi karaia neganai, do oi davaria ia be lalokau Diravana bona emu namo ia laloa bada. Oi ia invait, ia oi guriguri henia totona, “badina ia be [oi] ia laloa bada.” (1 Petero 5:7) Baibel ia gwauhamata, bema oi gaukara goada ia oi dibaia totona, “ia be [oi] kahirakahira do ia mai.”—Iamesi 4:8.
OI DIBAIA GAUDIA OI BADINAIA: Dirava ita kamonai henia ena anina be, Baibel ai iena hakaua herevadia ita badinaia. Unai amo “oi karaia gaudia lalonai do oi kwalimu bona mai aonega ida do oi kara.”—Iosua 1:8.
^ par. 7 Hari gado idauidau 7 ai ia noho, hegeregere Chinese bona English.
Reana Inai Danu Oi Ura
GIMA KOHORONA
Emu Vaira Nega Totona Abia Hidi Oi Karaia!
Taunimanima haida idia abia dae edia mauri ai idia vara gaudia be ma haida ese idia abia hidi. To unai be momokani, a?
