No Ũtw’e Ũndũ Ũkekala Ĩvinda Yũkĩte
Myaka ta 3,500 mĩvĩtu, Yeova Ngai nĩwatavisye athaithi make kĩla maaĩle kwĩka nĩ kana metanĩa thayũ. Ameie: “Nĩniĩte mbee waku thayũ na kĩkw’ũ, ũathimo na kĩumo: kwondũ wa ũu nyuva thayũ, nĩ kana wĩkale thayũ, we na ũsyao waku.”—Kũtũngĩlĩlwa Kwa Mĩao 30:19.
Andũ asu maaĩlĩte kwĩka ũtwi ũla mũseo nĩ kana metanĩa thayũ. O naitũ no twĩke ũtwi ta ũsu. Na Mbivilia nĩyĩeleetye ũndũ tũtonya kwĩka ũu. Yaĩtye nĩ kwa ‘kũmwenda Yeova Ngai waku, na kwĩthukĩĩsya wasya wake.’—Kũtũngĩlĩlwa Kwa Mĩao 30:20.
ŨTONYA ATA KŨMWENDA YEOVA NA KWĨTHUKĨĨSYA WASYA WAKE?
ĨMANYĨSYE MBIVILIA: Nĩ kana ũmwende Yeova, no nginya wambe kwĩmanyĩsya ĩũlũ wake Mbivilianĩ. Weeka ũu, nũũmanya kana nũkwendete na nũkwendeaa ũseo. Na akwĩĩte ũmũvoyae ‘nũndũ nũkũthĩnĩkĩaa.’ (1 Vetelo 5:7) Nayo Mbivilia ĩkwathĩte kana weekĩa kĩthito ũmũthengeee, o nake ‘akaũthengeea.’—Yakovo 4:8.
ATĨĨA KĨLA ŨKWĨMANYĨSYA: Tũmwĩthukĩĩasya Ngai kwa kũatĩĩa ũtao mũseo ũla wĩ Mbivilianĩ. Weeka ũu, ‘ũkaaĩlya nzĩa yaku, na ũyĩka na kĩlĩko.’—Yosua 1:8.
^ kal. 7 Kĩlungu kĩĩ kĩ ithyomonĩ mũonza, na imwe syasyo nĩ Kĩsũngũ, na Mandarin na Cantonese Chinese.
No Wendeewʼe Nĩ Ii
MOSŨNGĨO MA MAKŨLYO MA MBIVILIA
Yo Mbivilia Yaasya Ata Ĩũlũ wa Ũthasyo wa Kwĩnyuvĩa? Ngai Nĩwavangie Kuma Tene Ũndũ Thayũ Waku Ũkethĩwa Ũilyĩ
Andũ aingĩ maĩkĩĩaa kana thayũ woo ũtongoewʼe nĩ kĩndũ kĩngĩ. Yo maũndũ ala tweenyuvĩa no matume maũndũ maitũ mathi nesa?
MŨSYAĨĨSYA
Nue Ũkenyuvĩa Ũndũ Ĩvinda Yaku Yũkĩte Yĩkethĩwa Yĩilyĩ!
Andũ amwe maĩkĩĩaa kana andũ mekaa kũvangĩĩwa maũndũ. Ĩndĩ ũu nĩ wʼo?
MOSŨNGĨO MA MAKŨLYO MA MBIVILIA
Ũtonya Ata Kũmĩelewa Mbivilia?
O na ethĩwa umĩte va, nũtonya kũelewa ũvoo kuma kwa Ngai ũla wĩ Maandĩkonĩ Matheu.
