Udi mua kusungula tshiwikala matuku atshilualua
Kukadi mpindieu bidimu bitue ku 3 500 bivua Yehowa muambile bantu bavua bamutendelela tshivuabu ne bua kuenza bua kupeta nsombelu muimpe matuku atshivua alua. Wakabambila ne: “Ndi muteke muoyo ne lufu, dibenesha ne mulawu kumpala kuebe; udi ne bua kusungula muoyo bua ushale ne muoyo, wewe ne ndelanganyi yebe.”—Dutelonome 30:19.
Bua kupeta nsombelu muimpe matuku atshivua alua, bantu abu bavua ne bua kuenza disungula dimpe. Tudi petu ne bua kuenza disungula dia muomumue lelu eu. Bible udi umvuija muudi mua kusungula bua kuikala ne nsombelu muimpe matuku atshilualua wamba ne: “Pa kunanga Yehowa Nzambi webe, kuteleja dîyi diende.”—Dutelonome 30:20.
TSHIA KUENZA NTSHINYI BUA KUNANGA YEHOWA NE KUTELEJA DÎYI DIENDE?
LONGA MALU ADI MU BIBLE: Bua kunanga Yehowa, bidi bikengela wanji ulonge malu ende adi mu Bible. Dîba adi neumone ne: nNzambi wa dinanga udi musue bua wikale ne diakalengele. Udi ukulomba bua umusambile ‘bualu yeye udi ukutabalela.’ (1 Petelo 5:7) Bible udi ulaya ne: wewe mudienzeje bua kusemena pabuipi nende, ‘yeye neasemene pabuipi nebe.’—Yakobo 4:8.
TUMIKILA BIUDI ULONGA: Kuteleja Nzambi kudi kumvuija kulonda buludiki buende bua meji budi mu Bible. Wewe muenze nanku, “malu ebe neende bimpe, ne dîba adi newenze malu ne meji.”—Yoshua 1:8.
^ tshik. 7 Ukadiku mu miakulu muanda-mutekete, kusangisha ne tshiena Chine tshia Mandarin ne tshia Cantonais.
Mona bikuabu:
TSHIBUMBA TSHIA NSENTEDI
Matuku ebe atshilualua adi mu bianza biebe!
Kudi bantu badi bela meji ne: tshidibu atshi ntshimana kufunda. Kadi mmuomu anyi?
MANDAMUNA A NKONKO YA MALU A MU BIBLE
Tshiudi mua kuenza bua wewe kumvua Bible.
Udi mua kufika ku diumvua mukenji wa mushinga udimu.
