Unaweza Kuamua Maisha Yako ya Wakati Ujao Yatakuwaje
Miaka 3,500 hivi iliyopita, Yehova Mungu aliwaambia waabudu wake mambo waliyopaswa kufanya ili wawe na maisha bora ya wakati ujao. Alisema hivi: “Nimeweka uzima na kifo mbele yenu, baraka na laana; nanyi lazima mchague uzima ili mwendelee kuishi, ninyi na wazao wenu.”—Kumbukumbu la Torati 30:19.
Ili wawe na maisha bora ya wakati ujao, watu hao walihitaji kufanya uamuzi sahihi. Leo, sisi pia, tuna nafasi ya kufanya uamuzi unaofaa. Biblia inafafanua jinsi tunavyoweza kuchagua kuwa na maisha bora ya wakati ujao: “Kwa kumpenda Yehova Mungu wenu, kwa kuisikiliza sauti yake.”—Kumbukumbu la Torati 30:20.
TUNAWEZAJE KUMPENDA YEHOVA NA KUISIKILIZA SAUTI YAKE?
JIFUNZE BIBLIA: Ili umpende Yehova, kwanza, unahitaji kujifunza kumhusu kutoka kwenye Biblia. Utakapofanya hivyo, utatambua kwamba yeye ni Mungu mwenye upendo na anayekutakia mema. Anakualika usali kwake “kwa sababu yeye [anakujali].” (1 Petro 5:7) Biblia inaahidi kwamba ikiwa utajitahidi kumkaribia, ‘naye atakukaribia.’—Yakobo 4:8.
TUMIA MAMBO UNAYOJIFUNZA: Kumsikiliza Mungu kunamaanisha kufuata mwongozo wake wenye hekima unaopatikana kwenye Biblia. Ukifanya hivyo, “ndipo utakapofanikisha njia yako na kutenda kwa hekima.”—Yoshua 1:8.
Huenda Ukapenda Pia
MAJIBU YA MASWALI YA BIBLIA
Biblia Inasema Nini Kuhusu Uhuru wa Kuchagua? Je, Mungu Ndiye Anayeamua Mapema?
Watu wengi wanaamini kwamba maisha yao yanaongozwa na majaliwa. Je, mambo tunayochagua yanahusika katika mafanikio tunayopata maishani?
MNARA WA MLINZI
Wakati Wako Ujao, Upo Mikononi Mwako!
Baadhi ya watu huamini kwamba maisha yao tayari yamepangwa. Lakini je, hilo ni kweli?
MAJIBU YA MASWALI YA BIBLIA
Unawezaje Kuielewa Biblia?
Bila kujali malezi yako, unaweza kuelewa ujumbe wa Mungu ulio katika Maandiko Matakatifu.
