1. ¿Ti kyaj tnekytyuuny tuˈugë mixy ko nyajxy ja diskursë mä tuˈugë asamblee diˈib tuunë 1935?

JYOBAA TYESTIIGËTY, ja ijty yajtijtë diˈib yˈËxpëjktëbë Biiblyë. Mä taabë tiempë, tamˈäjt tuˈugë familyë diˈib myëdäjt nidëgëëgë myäänk ets nimajtskë nyëëx diˈib tyukniˈˈijxëdë tmëdundëdë Jyobaa ets tpanëjkxtëdë Jesusë yˈijxpajtën. Niduˈuk ja myäänk, ja nyëbejty 1926 ko netyë jyëmëjt 18. Tyäˈädë mixy, jëmëjt jëmëjt ijty tkayë tsäjpkaaky ets tˈuugyë binë mä yajjamyetsyë Jesusë yˈoˈkën xëëw, duˈun extëmë nety niˈamukë ttundë ja diˈib yˈËxpëjktëbë Biiblyë. Per mä jëmëjt 1935, tëgäjts ti nety yˈawijxy jyëjpˈijxypy ko tmëdooy ja diskursë diˈib xëwˈäjt, “Ja tëgoy myayjyaˈay”. Yëˈë yajnäjxë Joseph Rutherford mä tuˈugë asamblee jap Washington (Estados Unidos). ¿Ti yajtuknijäˈäwëdë mä taabë asamblee?

2. ¿Ti nmëguˈukˈäjtëm Rutherford kyäjpxˈoˈoyë mä ja dyiskursë?

² Ja nmëguˈukˈäjtëm Rutherford tnimaytyaky mä ja dyiskursë pënatyë nety tëkëyandëp mä ja “tëgoy myay ja jäˈäy” diˈib yajmaytyakp mä Diˈibʉ Jatanʉp 7:9. Mä tadë tiempë, duˈunë nety yajjaygyukë ko tyäˈädë tëgoy myayjyaˈay kyaj nety nyëjkxäˈändë tsäjpotm mët ko kyaj nëgoo ttimmëmëdowdë Dios. Ja nmëguˈukˈäjtëm Rutherford, yëˈë yajtuunë Biiblyë parë ojts tkäjpxtëˈkxy ko ja tëgoy myayjyaˈay kyaj nety të yajwinˈixtë parë  jyukyˈattët tsäjpotm ets ko yëˈë nety diˈib tëjkëdëp mä ja wiinkpë borreegëty * diˈibë Kristë jyaˈäjtypy, tsyokwëˈëmäˈändë mä ja mëj ayoˈon ets jyukyˈatäˈändë winë xëëw winë tiempë yä Naxwiiny (Diˈibʉ Jat. 7:14). Jesus twandaky: “Nmëdäjtypyëts ja wiinkpëty ja nborreegëts mäts jatuˈugë ngorral, es nyajminëpts nandëˈën mä tyäädëty. Xymyëdowdëpts ëj yëˈë, es tuk kajpëˈëk yˈitët yëˈë borreegë es tiˈigyë ja kyuentëˈäjtpë” (Fwank 10:16). Tyäˈädë wiinkpë borreegëty, yëˈë Jyobaa tyestiigëty diˈib yˈawijx jyëjpˈijxtëp jyukyˈatäˈändë yä Naxwiiny ko nety të jyëmbity extëm tuˈugë lugäärë tsujpë (Mat. 25:31-33, 46). Ko duˈun yajkäjpxˈoˈoyë, nimay ja nmëguˈukˈäjtëm dyajtëgäjtstë ti nety yˈawijx jyëjpˈijxtëp, axtë ja mixy diˈibë netyë jyëmëjt 18 (Sal. 97:11; Prov. 4:18).

3, 4. Mä ja asamblee diˈib tuunë 1935, ¿ti milˈamë nmëguˈukˈäjtëm pyëjktë kuentë, ets tiko?

³ Diˈib yajmonyˈijx yajmonyjyäˈäwë mä tyäˈädë asamblee, yëˈë ko ja nmëguˈukˈäjtëm Rutherford tˈanmääy niˈamukë pënatyë nety jam yajpattëp: “Tundë mayˈäjtën, ¿mbäät niˈamukë mwäˈkëˈëktë pënaty jukyˈatandëp winë xëëw winë tiempë yä Naxwiiny?”. Tuˈugë nmëguˈukˈäjtëm diˈibë nety jam yajpatp, jyënany ko ja nigujkwaˈkxynyaxyë jäˈäy tyënääyëˈëktë diˈibë nety jap asambleeˈäjttëp naa 20,000. Ta net ja nmëguˈukˈäjtëm Rutherford jyënany: “¡Tyäädën ja tëgoy myayjyaˈay!”. Ko duˈun tmëdoowdë, nëgooyë ojts xyondaknëdë. Pënaty tënääyëˈktë jyaygyujkëdë ko kyaj nety të yajwinˈixtë mëdë espiritë santë parë jyukyˈattët tsäjpotm. Jakumbom, ja nyëbajttë 840, ets ja nimaybyë yëˈë diˈib tëjkëdëp mä ja wiinkpë borreegëty.

⁴ Desde ko nyajxyë tyäˈädë diskursë, milˈamë nmëguˈukˈäjtëm ets ja mixy diˈib të yˈokˈyajmaytyakpë kyaj tnekykyaaytyë ja tsäjpkaaky ets nan kyaj tnekyˈuktë ja binë mä yajjamyetsyë Jesusë yˈoˈkën xëëw. Nimay duˈun nyayjyäˈäwëdë extëm jyënany tuˈugë nmëguˈukˈäjtëm mëdë yujyˈat tudaˈakyˈat: “Mä jëmëjt 1935 jats nˈakkääy ja tsäjpkaaky ets nˈakˈukyëts ja binë mä yajjamyetsyë Jesusë yˈoˈkën xëëw, yëˈko nbëjkëtsë kuentë ko Jyobaa kyaj netyë yˈespiritë santë të dyajtuny parëts ja nˈääw njot jyënäˈänët etsëts nëjkxët tsäjpotm. Naxwiinyëtsë nety nˈawixy njëjpˈixy ja jukyˈäjtën etsëts ndunäˈäny parëts nyajjëmbitët extëm tuˈugë it lugäärë tsujpë” (Rom. 8:16, 17; 2 Kor. 1:21, 22). Desde mä tadë tiempë, mas niˈigyë nyimayëˈadëtsnë ja tëgoy myayjyaˈay ets tuˈugyë tyundë mët ja nmëguˈukˈäjtëm diˈib nëjkxandëp tsäjpotm.

5. ¿Wiˈixë Jyobaa tˈixy pënaty kyaj tnekykyaytyë tsäjpkaaky ets tnekyˈuuktë ja binë?

⁵ ¿Wiˈixë Jyobaa tˈijxy ja nmëguˈukˈäjtëm diˈib kyaj tnekykyaaytyë ja tsäjpkaaky ets tnekyˈuktë ja binë? ¿Ets wiˈix tˈixy ja diˈib kyaapy ja tsäjpkaaky ets yˈukypy ja binë mët ko wyinmay ko jam nyëjkxäˈäny tsäjpotm, per ok, ta tpëkyë kuentë ko kyajtëm dyuˈunëty? (1 Kor. 11:28). Ta näägë nmëguˈukˈäjtëm diˈibë nety kyaaytyëbë tsäjpkaaky ets yˈuktëbë binë mët ko duˈunë nety wyinmaytyë ko jam nyëjkxäˈändë tsäjpotm. Per pën jyäˈäwëdëp ko kyaj dyuˈunëty ets ko të jyantsy tyëgoytyë, ta kyaj tnekykyaytyë ja tsäjpkaaky ets nan kyaj tnekyˈuuktë ja binë. Tyäˈädë nmëguˈukˈäjtëm, duˈunyëm tmëduunˈadëˈëtstë Jyobaa, ets kupëjkëdëp extëm ja wiinkpë borreegëty. Ets oy tkanekykyaytyë ja tsäjpkaaky ets tkanekyˈuuktë ja binë, duˈunyëm nyëjkxtë mä yajjamyetsyë Jesusë yˈoˈkën xëëw mët ko tjantsy myëjjawëdë tijatyë Jyobaa mëdë Jesus të tyukmëdunëdë.

6. ¿Ti Jesus tyukˈaneˈempy ja anklëstëjk?

⁶ Kom tim tsojk tsyondäˈägäˈäny ja mëj ayoˈon, päätyën yˈoyëty nˈakjaygyujkëm mas niˈigyë wiˈix jyënaˈanyë Diˈibʉ Jatanʉp kapitulo 7, mä yajmaytyaˈaky ja Dios mëduumbëty diˈib nëjkxandëp tsäjpotm ets ja tëgoy myayjyaˈay diˈib tsoˈondëp mä ja wiinkpë borreegëty. Mä tyäˈädë kapitulo jyënaˈany ko Jesus ttukˈaneˈemy ja anklëstëjk ets tmäjtswëˈëmëdët ja taxkpë poj diˈib yajmiimpy ja kutëgoˈoyën. Ets kyaj tnanasmatsëdët yä Naxwiiny axtë koonëm niˈamukë pënaty nëjkxandëp tsäjpotm yajtsääytyaˈaytyët, jaˈa njënäˈänëm, ko nety të kyupëjkëndë Jyobaa (Diˈibʉ Jat. 7:1-4). Ja kumäˈäyën diˈib yˈaxäjëyandëp ja Jesusë myëgaˈaxëty mët ko nety të myadäˈäktë, yëˈë ko tyunäˈändë rey ets saserdotë jam tsäjpotm (Diˈibʉ Jat. 20:6). Ko nety tˈaxäjëdë ja kyumäˈäyën, Jyobaa, Jesus ets ja anklëstëjk, agujk jotkujk jyantsy nyayjyawëyäˈänëdë.

7. Extëm jyënaˈanyë Diˈibʉ Jatanʉp 7:9, 10, ¿pënaty yˈijxë Juan, ets ti nety tyuundëp? (Ixë dibujë diˈib miimp mä rebistë nyiˈak).

⁷ Ko netyë Juan të tmaytyaˈaky ja 144,000 diˈib tuundëp rey ets saserdotë, ta net tˈijxy “tëgoymyay ja jäˈäy” diˈib tsokwëˈëmdëp mä ja Armajedon. Tyäˈädë myëmajtskpë grupë mas nimay ets kyaj yajnijawë yajxon ninääk wyinëˈattë (käjpxë Diˈibʉ Jatanʉp 7:9, 10). Ja tëgoy myayjyaˈay “wyitxëty poop”, diˈib yˈandijpy ko ‘käˈäpë nyayajˈëxëëgëtyën mëët ja ëxëëkˈäjtën yääpën naxwiinyëdën’, ets jyantsy yäˈäx jyantsy jyoktë ko ja nyitsokënë yëˈë mooyëdëbë Jyobaa mëdë Jesus, ja Diosë Byorreeguˈunk (Sant. 1:27, TY). Nan kyëkapyˈäjttëbë tëëxyˈääy, diˈib yˈandijpy ko xondaˈakyˈääw xondaˈakyjyot tkupëktë Jesus extëmë Rey diˈib Jyobaa të tyuunkmoˈoyëty (ijxkijpxyë mëdë Fwank 12:12, 13).

8. Extëm jyënaˈanyë Diˈibʉ Jatanʉp 7:11, 12, ¿wiˈix nyayjyäˈäwëdë jam tsäjpotm ko tˈijxtë ja tëgoy myayjyaˈay?

⁸ Käjpxë Diˈibʉ Jatanʉp 7:11, 12. ¿Ets wiˈix nyayjyäˈäwëdë jam tsäjpotm ko tˈijxtë ja tëgoy myayjyaˈay? Juan tˈijxy ko niˈamukë jyantsy xyondaktë ets tmëjkumääytyë Dios ko kyëxëˈky ja tëgoy myayjyaˈay. Jyobaa, Jesus, anklëstëjk ets pënaty të jyukypyëktë jam tsäjpotm, agujk jotkujk jyantsy nyayjyawëyäˈänëdë ko nety tˈixtë wiˈix yˈadëy diˈibë Juan yˈijx: tsyokwëˈëmdë ja tëgoy myayjyaˈay mä ja mëj ayoˈon.

9. Extëm jyënaˈanyë Diˈibʉ Jatanʉp 7:13-15, ¿ti tyam tyuundëp ja tëgoy myayjyaˈay?

⁹ Käjpxë Diˈibʉ Jatanʉp 7:13-15. Juan jyënany ko pënaty yajpattëp mä ja tëgoy myayjyaˈay, yëˈë “diˈibë të dyajwäˈätstë es të dyajpoobë ja wyit mët ja Borreeguˈungë nyeˈpyny”. Tyäˈädë yëˈë yˈandijpy ko wäˈäts ja jyot wyinmäˈäny tmëdattë ets ko kupëjkëdëbë Jyobaa (Is. 1:18). Të nyaywyandäˈägëdë ets të nyëbattë, myëbëjktëp ko Jesus ojts xykyuˈoˈkëm ets oy yˈittë mëdë Jyobaa (Fwank 3:36; 1 Ped. 3:21, TNM). Päätyënë Diosteety tyukjotkëdäˈägëdë ets mbäädë net tmëdundë “xëëny koots” yä Naxwiiny. Yëˈë diˈib mas kajaa tuundëp ets tjantsy jyotmoˈoytyë mä yajkäjpxwaˈkxyë oybyë ayuk ets mä jäˈäy yˈëxpëktë, ets yëˈë mas jëjpˈam pyëjtaktëp ja Diosë yˈAnaˈam Kyutujkën (Mat. 6:33; 24:14; 28:19, 20).

10. ¿Ti diˈib seguurë yˈawijx jyëjpˈijxtëp ja tëgoy myayjyaˈay, ets ti wandakën yˈixandëp ko nety yˈadëy?

¹⁰ Ja tëgoy myayjyaˈay diˈibë nety të tsyokwëˈëmdë, ijttëp seguurë ko Jyobaa duˈunyëm kyuentˈatäˈänëdë ko nety të nyaxy ja mëj ayoˈon, pesë Biiblyë jyënaˈany ko “yëˈë kuentëˈatanëdëp es yˈitët mä yëˈë”. Ets nan jam yˈadëwäˈänyë tyäˈädë wandakën diˈib nëgooyë të tˈawijx të tjëjpˈijxnëdë ja wiinkpë borreegëty: “Dios yajtëtsxëdët tëgekyë ja wyinnëë. Kyaj yˈokˈijnët ja oˈkën, jëˈëy yaxën o ja pëjk adoˈonën” (Diˈibʉ Jat. 21:3, 4).

11, 12. 1) Extëm jyënaˈanyë Diˈibʉ Jatanʉp 7:16, 17, ¿tijaty kunuˈkxën yˈawijx jyëjpˈijxtëp ja tëgoy myayjyaˈay? 2) ¿Ti mbäät ttundë ja wiinkpë borreegëty ko yajjamyetsyë Jesusë yˈoˈkën xëëw, ets tiko?

¹¹ Käjpxë Diˈibʉ Jatanʉp 7:16, 17. Tyam, ta  näägë Dios mëduumbë diˈib yajnäjxtëbë yuu mët ko kyaj tmëdattë ja meeny sentääbë parë tjuytyët ja kyaˈay yˈukën o mët ko tkuˈayowëdë tsip. Ta netë wiinkpëty diˈib ja myëbëjkën kyuˈijtëdëp pujxndëgoty. Per pënaty tëjkëdëp mä ja tëgoy myayjyaˈay, jantsy jotkujk nyayjyawëdë mët ko nyijäˈäwëdëp ko nety tsyokwëˈëmdë mä ja kutëgoˈoyën, naspëk nastunë tmëdatäˈändë ja kyaˈay yˈukën, duˈun diˈib jyëˈx pyëktëp ets nenduˈun ja Dios yˈayuk. Ko netyë Jyobaa dyajkutëgoyë Satanásë jyaˈay ets dyajminy ja tsyip yˈakë diˈib tsaapy extëmë xëëw tsyaˈay, kyuwäˈänaampy ja tëgoy myayjyaˈay. Ets ko nety ttuknaxtë ja mëj ayoˈon, ta Jesus tyukniwowäˈänëdë ja “nëë diˈibë yajkypy ja jikyˈäjtën”, ja njënäˈänëm, ko tpudëkëyäˈändë parë tpäättët ja jukyˈäjtënë winë xëëbë. Okpawinmay nuˈunën yˈoyˈatäˈäny tsyujˈatäˈäny diˈib yˈawijx jyëjpˈijxtëp ja tëgoy myayjyaˈay. Mä ja mil miyonkˈambë jäˈäy diˈib të jyukyˈattë, waˈan yëˈëyë tyäˈädë jäˈäyëty diˈib ninäˈä kyanekyˈoogäˈändë (Fwank 11:26).

¹² Ja wiinkpë borreegëty, kyuˈëˈëw kyukäjpxëdëbë Jyobaa mëdë Jesus mët ko nëgooyë yˈoyˈäjn tsyujˈäjnë diˈib moˈoyanëdëp. Ets oyë Jyobaa të kyawinˈixëdë parë nyëjkxtët tsäjpotm, nenduˈun yajtsoktë ets tsyobäättë extëm ja myëguˈuktëjk diˈib nëjkxandëp. Nan mbäät tmëjkumaytyë Dios etsë Kristë, duˈun ja wiinkpë borreegëty ets pënaty nëjkxandëp tsäjpotm. Tuk pëky wiˈix ttundë, yëˈë ko nyëjkxtë mä yajjamyetsyë Jesusë yˈoˈkën xëëw.

13, 14. ¿Tiko jyëjpˈamëty ets niˈamukë nëjkxëm mä yajjamyetsyë Jesusë yˈoˈkën xëëw?

¹³ Tyää näämnëm, nuˈun nyaxyë xëëw jëmëjt koogoo yajjamyetsyë Jesusë yˈoˈkën xëëw, mä niduk milbë jäˈäy, ja jeˈeyë naa tuˈugën diˈib kyaapy ja tsäjpkaaky ets yˈukypy ja binë. Tyäˈädë yëˈë yˈandijpy ko kyaj pën tkayë tsäjpkaaky ets tˈuugyë binë mä maybyë tuˈukmujkën. Ets nan yëˈë xytyukˈijxëm ko ja nimaybyë jäˈäy diˈib nëjkxtëp mä yajjamyetsyë Jesusë yˈoˈkën, yä Naxwiiny tˈawix tjëjpˈixtë ja jukyˈäjtën. Per ¿tiko net nyëjkxtë? Yëˈko tyukˈixandëbë Jesus ets pënaty nëjkxandëp tsäjpotm ko tsyojkëp ets ko pyudëkëyandëp. Duˈun extëm ko nëjkxëm mä pyeky tuˈugë jäˈäy diˈib mëk ntsojkëm, nëjkxëm mët ko ndukˈixäˈänëm ko ntsojkëm ets ko nbudëkëyäˈänëm. Ja wiinkpë borreegëty, nan nëjkxtëp mä yajjamyetsyë Jesusë yˈoˈkën mët ko duˈun dyajnigëxëˈëktë ko myëjjäˈäwëdëp ko ojts kyuˈoogëdë, pes mët yëˈëgyëjxm, mbäädë  net jyukyˈattë winë xëëw winë tiempë yä Naxwiiny.

¹⁴ Ja tuk pëky tiko nyëjkxtë mä yajjamyetsyë Jesusë yˈoˈkën xëëw, yëˈko tmëmëdowdë ti ojts tniˈanaˈamë. Pes ko Jesus dyajnaxkëdakyë tyäˈädë aˈux mët ja yˈapostëlëtëjk, ta tˈanmääy: “Tundë dëˈën extëmtsë njamyajtsën” (1 Kor. 11:23-26). Pääty ja wiinkpë borreegëty, duˈunyëm nyëjkxäˈändë mä yajjamyetsyë Jesusë yˈoˈkën xëëw, mientrës yajpäättë yä Naxwiiny pënaty nëjkxandëp tsäjpotm. Nan wyow wyijtstëp niˈamukë jäˈäy ko yajjamyetsyë Jesusë yˈoˈkën xëëw.

15. ¿Wiˈix mbäät niˈamukë nmëjkumäˈäyëmë Jyobaa mëdë Jesus mä yajjamyetsyë yˈoˈkën xëëw?

¹⁵ Ko nëjkxëm mä yajjamyetsyë Jesusë yˈoˈkën xëëw, jap mbäät nmëjkumäˈäyëmë Jyobaa etsë Jesus ko nˈëˈëw nyaxëm ets ko nnuˈkxtakëm. Taabë diskursë diˈib naxäämp mä tyäˈädë jëmëjt, txëwˈaty: “Nˈokˈyajnigëxëˈkëm ko nmëjjäˈäwëm ti të xytyukmëduˈunëmë Dios mëdë Kristë”. Ko nmëdoowˈijtëmë tyäˈädë diskursë, ta mas niˈigyë ja ääw jot jyënäˈänäˈäny parë nguˈëˈëw ngukäjpxëmë Jyobaa etsë Kristë. Ets ko nety yajkëëynyaxy ja tsäjpkaaky ets ja binë, ta njamyatsäˈänëm ko yëˈë yˈandijpy ja Jesusë nyiniˈkx ets ja nyëë nyeˈpyny. Nan njamyatsäˈänëm ko Jyobaa nyasˈijxë ets ja yˈUˈunk yˈoogët parë nbatëm ja jukyˈäjtënë winë xëëbë (Mat. 20:28). Niˈamukë pënaty tsyojktëbë Jyobaa mëdë Jesus, nëjkxandëp mä yajjamyatsäˈänyë yˈoˈkën xëëw.

16. ¿Tiko njënäˈänëm ko kyaj tyëgatsyëty pënaty nëjkxandëp tsäjpotm mët pënaty jukyˈatandëp yä Naxwiiny?

¹⁶ Ak mëjë Jyobaa yajnaxëdë ets tuknax yajtsoktë, duˈun pënaty nëjkxandëp tsäjpotm ets ja wiinkpë borreegëty. Nan tuˈugyë tsyowdëjkëdë, pes yëˈë mëët yajkujuuytyë ja Jesusë jyukyˈäjtën. Diˈib jeˈeyë tëgatsy, yëˈë ja jukyˈäjtën diˈib yˈawijx jyëjpˈijxtëp, per duˈun diˈib nëjkxandëp tsäjpotm ets ja wiinkpë borreegëty, tsojkëp tmëmëdowdëdë Dios etsë Kristë (Sal. 31:23). Ets nˈokjamyajtsëm ko Jyobaa mbäät ttukpudëkë yˈespiritë santë niˈamukë pënaty mëduunëp nuˈun dyajtëgoyˈattë, oy yëˈëjëty diˈib jukyˈatandëp jam tsäjpotm o yä Naxwiiny.

17. ¿Ti jyantsy yˈawijx jyantsy jyëjpˈijxtëp pënaty nëjkxandëp tsäjpotm?

¹⁷ Ja Dios mëduumbëty diˈib nëjkxandëp tsäjpotm, kyaj të tmëmaxuˈunkˈatëdë tyäˈädë tsojkën parë jam nyëjkxtët, yëˈëjënë Jyobaa të myoˈoyëdë. Tyäˈädë nmëguˈukˈäjtëm, wyinmääytyëp ja jukyˈäjtën diˈib yˈawijx jyëjpˈijxtëp, nyinuˈkxtakëdëp ets jyantsy yˈawijx jyantsy jyëjpˈijxtëp tˈaxäjëyäˈändë tyäˈädë kyumäˈäyën jam tsäjpotm. Kyaj tnijawëdë wiˈixën meerë tmëdatäˈändë ja nyiniˈkx kyëbäjk. Per nëgooyë nyaybyäädanëndë mëdë Jyobaa, Jesus, anklëstëjk ets ja myëguˈuktëjk diˈib të jyukypyëjknëdë jam tsäjpotm, ets nan nëgooyë tyëkëyanëdë tuumbë mä ja Diosë yˈAnaˈam Kyutujkën (Filip. 3:20, 21; 1 Fwank 3:2).

18. ¿Ti jyantsy tsyojkënyëˈäjttëp ja wiinkpë borreegëty?

 ¹⁸ Ja wiinkpë borreegëty, jyantsy tsyojkënyëˈäjttëp jyukyˈatäˈändë winë xëëw winë tiempë yä Naxwiiny extëm ttsojkënyëˈattë niˈamukë naxwinyëdë jäˈäy (Ecl. 3:11). Jyantsy yˈawijx jyantsy jyëjpˈijxtëp dyajjëmbitäˈändë tyäˈädë Naxwinyëdë extëm tuˈugë it lugäärë tsujpë mä tkojäˈändë jyëën tyëjk, nyiˈibäˈän kyojäˈändë ets dyajˈyaagäˈän dyajpatäˈändë oy mëk ja yˈuˈunk yˈënäˈk (Is. 65:21-23). Ets nëgooyë ttsojkënyëˈäjnëdë nëjkx tˈixyˈatäˈändë tëgokyë Naxwinyëdë, tˈixäˈändë tun kopk, ttukˈyoˈoyäˈändë yukˈit ets nyëjkxäˈändë mä mejny, ets jyantsy yˈixyˈatandëp mas niˈigyë ja Diosë kyojy pyëjtaˈaky. Per diˈib jantsy yajxondäˈäganëdëp, yëˈë ko mas niˈigyë nyaymyaaybyëkäˈänëdë mëdë Jyobaa tuˈuk tuˈugë xëëw.

19. ¿Ti mbäät nduˈunëm niduˈuk niduˈuk mä yajjamyetsyë Jesusë yˈoˈkën xëëw, ets näˈä tyunäˈänyëty mä tyäˈädë jëmëjt?

¹⁹ Jyobaa të tˈawanë jotkujkˈäjtën niduˈuk niduˈuk ja yˈuˈunk yˈënäˈk (Jer. 29:11). Mä yajjamyetsyë Jesusë yˈoˈkën xëëw, ja mä mbäät niˈamukë nmëjkumäˈäyëmë Jyobaa mëdë Kristë mët ko xyajjukyˈatäˈänëm winë xëëw winë tiempë. Mä tyäˈädë jëmëjt ja yajjamyatsäˈänyë Jesusë yˈoˈkën xëëw, sääbëdë 27 äämbë marsë 2021 ko nety ja Xëëw të tyëjkënë. Yëˈë tuˈugë xëëw diˈib mëj yajnäjxtëbë Jyobaa tyestiigëty tuˈuk tuˈugë jëmëjt. Nimay kyaj nëgoo tsyiptäˈägäˈänxëdë parë tyuˈukmuktët. Per ta diˈib jyamyatsandëbë Jesusë yˈoˈkën xëëw, oy nuˈunë jäˈäy nyibëdëˈëgëdë nan ta diˈib tyunandëp, oy yˈittë pujxndëgoty. Per oy wiˈix nyaˈijx nyajpatëm, nˈokjamyajtsëm niduˈuk niduˈuk ko Jyobaa, Jesus, anklëstëjk ets pënaty të nyëjkxnëdë tsäjpotm, yˈixandëp wiˈixë nety të nduˈukmujkëm. Pääty, ¡nˈoktukxondakëmë tyäˈädë xëëw oyë nety nyajnäjxëm naytyuˈuk, tuk grupë o të nduˈukmujkëm jantsy nimay!